არასოდეს დასაჯოთ ბავშვი წიგნის კითხვით - ბავშვი და წიგნის კითხვა - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » ბავშვი და წიგნის კითხვა

არასოდეს დასაჯოთ ბავშვი წიგნის კითხვით
04.06.2008, 18:01
პირველად პირველ კლასში

არავისთვის საიდუმლოს არ წარმოადგენს, რომ ახალგაზრდა თაობას არ უყვარს და არ უნდა კითხვა. თანამედროვე პატარა ადამიანები უპირატესობას ანიჭებენ ტელევიზია-კომპიუტერს. ეს მარტივი და სწრაფია ბავშვისთვის და მოსახერხებელია მოზრდილებისთვისაც.

უფრო ადვილია ბავშვი მიუსვათ ტელევიზორს საყვარელი მულტფილმის საყურებლად და თქვენ მშვიდად მოამზადოთ ვახშამი. ვიდრე ორივემ ინერვიულოთ წიგნის წაკითხვის მცდელობისას.

კარგად დაფიქრდით, რამდენად მნიშვნელოვანი თქვენთვის, რომ ბავშვმა იკითხოს და რას აკეთებთ, იმისთვის რომ იკითხოს სიამოვნებით.

რამდენად ხშირად ხედავს ბავშვი თავის ირგვლივ უფროსებს წიგნით ხელში თუ ხედავს როგორ მოკალათებულხართ ტელევიზორის წინ საყვარელი სერიალის მოლოდინში?

მართალია სამსახურში ისე ვიღლებით, რომ ერთი სული გვაქვს როდის მოვდუნდებით ცისფერი ეკრანის წინ, ძალა არ გვყოფნის, რომ რაიმე საინტერესო წავიკითხოთ. მაშინ როგორ დავარწმუნოთ ბავშვი წაიკითხოს წიგნი, როცა თავად ტელევიზორის ყურებას ამჯობინებთ?

პირადი მაგალითი

ეს ადვილი ამოცანა არ არის, მაგრამ როცა ბავშვი ხედავს რომ უფროსები კითხულობენ, განიხილავენ წაკითხულიდან სასაცილო ადგილებს, ერთმანეთს უზიარებენ შთაბეჭდილებებს, ფრაზების ციტირებას ახდენენ, მას უჩნდება ინტერესი წიგნის მიმართ. წიგნის სიყვარული ერთ დღეში და ერთ თვეში არ ყალიბდება, მაგრამ შედეგი ღირს ლოდინად. შეგიძლიათ შეარჩიოთ ისეთი ლიტერატურა, რომელსაც ყველანი წაიკითხავთ და მასზე იმსჯელებთ. ან წაიკითხოთ წიგნი როლების მიხედვით და კითხვა საინტერესო ადგილას შეწყვიტოთ. შესაძლოა ბავშვი დაინტერესდეს და თავად დაამთავროს წიგნის კითხვა. გაითვალისწინეთ, რომ თუ კითხვა არ გიყვართ, იძულებით სიყვარულს ბავშვი მაშინვე მიხვდება.

წიგნების ხელმისაწვდომობა

თუ ბავშვი კითხვას გადაწყვეტს, მას ხელთ უნდა ქონდეს ლამაზი და შესაფერისი წიგნი და არა დედის ჟურნალი cosmo ან მისი მსგავსი. წიგნის თარო ბავშვისთვის ხელმისაწვდომ ადგილას უნდა იყოს. შეგიძლიათ ბავშვი საბავშვო ბიბლიოთეკაში ჩაწეროთ, ასევე ხშირად შეიარეთ წიგნის მაღაზიაში.

მნიშვნელოვანია წიგნის კითხვის სიხშირე ანუ რეგულარულობა და არა მისი ხანგრძლივობა; ყველაზე ადვილია ძილის წინ კითხვა - შექმენით წიგნის კითხვის რიტუალი.

რა არ უნდა გააკეთოთ როცა ბავშვს კითხვას აჩვევთ?

არასოდეს დასაჯოთ ბავშვი წიგნის კითხვით, ამით წიგნს ვერ შეაყვარებთ, პირიქით გაუძლიერებთ ნეგატიურ დამოკიდებულებას
არ დააჩქაროთ კითხვისას, თითოეულ ბავშვს კითხვის თავისი ტემპი აქვს. მთავარია მან წაკითხულიდან აზრი გამოიტანოს, კითხვისას სიამოვნება მიიღოს
ნუ გალანძღავთ მას. ეს არაპედაგოგიურია და სასურველ შედეგამდე არ მიგიყვანთ. გამოიჩინეთ მოთმინება

კითხვის შესწავლა მეტად რთული პროცესია, პირველკლასელებს ხშირად უჭირთ მისი ათვისება. თუ ბავშვს კითხვისას ერთიდაიგივე პრობლემა ექმნება, სპეციფიურ შეცდომებს უშვებს, სასურველია ნევროლოგთან კონსულტაცია.

წიგნის არჩევისას გაითვალისწინეთ ბავშვის ხასიათი და ტემპერამენტი. თუკი არიცია, ბურატინო, კარლსონი, ჩიპოლინო ბავშვების უმრავლესობას მოწონს, “წითელკანიანთა ბელადი” (ო’ჰენრი) წყნარ, ფიქრიან ბავშვს არ დააინტერესებს. ანდერსენის ზღაპარმა “მახინჯი იხვის ჭუკი” მელანქოლიურ ბავშვზე შეიძლება ძლიერი ზემოქმედება მოახდინოს. ეს არ ნიშნავს,, რომ ყველა სევდიანი წიგნი თაროდან აალაგოთ. გამოიჩინეთ ყურადღება და ტაქტი, დაინტერესდით რას განიცდის და ფიქრობს წაკითხულზე. 6-7 წლის ასაკიდან ბავშვებს დააინტერესებს ასტრიდ ლინდგრენი (პეპი გრძელიწინდა), ტუვე იანსონის მუმი ტროლი, ასევე „ჯადოქარი ზურმუხტის ქალაქიდან“, ასევე ჯანი როდარის გმირები.

თუ დიდი ხანია წიგნი არ წაგიკითხავთ, გაიხსენეთ თქვენი ბავშვობის დროინდელი საყვარელი წიგნები და გმირები. გადაიკითხეთ ისინი ბავშვთან ერთად და ამით ორივენი დიდი სიამოვნებას მიიღებთ.



კატეგორია: ბავშვი და წიგნის კითხვა | დაამატა: baby
ნანახია: 1485 | რამოტვირთვები: 0 | რეიტინგი: 4.3/3
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]