მთავარი » ფაილები » წონის კონტროლი

წონის კონტროლი ფეხმძიმობისას
04.06.2008, 19:32
ეს პრობლემა ორსულ ქალთა უმეტესობას აწუხებს: რა წონის მომატებაა ნორმა ორსულობისას? რადგან არასასურველია როგორც გადამეტებული მატება ასევე წონაში კლებაც. ნაკლები წონა საშიშია როგორც დედისთვის ასევე ბავშვისთვისაც. ქალები რომლებიც ძალიან ცოტას ჭამენ, და შესაბამისად არ იმატებენ წონაში საფრთხეს უქმნიან ბავშვს, რადგან იგი შესაძლოა ძალიან მცირე წონის დაიბადოს (2.5 კგ-ზე ნაკლები). მეტწილად ნაკლებ კვებას და ნაკლებ წონას უფრო მეტი ზიანი შეუძლია მოიტანოს ვიდრე წონის მომატებამ. რადგან არასაკმარისი კვებისას შესაძლოა დაზიანდეს ბავშვის ტვინი, და ასევე ნივთიერებათა ცვლის დარღვევები, ასევე იკლებს ესტროგენის ჰორმონის გამომუშავება რაც მოშლის საშიშროებას ქმნის.
რათქმა უნდა ასევე არასასურველია გადამეტებულად წონის მატებაც, მან შესაძლოა გამოიწვიოს ეგრედწოდებული გვიანდელი ტოქსიკოზი, ასევე საშიშროებაა გადამეტებული წონის ბავშვის გაჩენისაც (4კგ-ზე მეტი). ჭარბი წონის გამო შესაძლოა გართულებები მშობიარობისას. და რათქმა უნდა წონაში ზედმეტად მატებისას, გაძნელდება მისი მწყობრში ჩადგომის პროცესი. ანუ მშობიარობის შემდეგ დიდი რაოდენობით ჭარბი წონის დაკლება შესაძლოა წლების განმავლობაში გაგრძელდეს, ზოგისთვის უშედეგოდაც.

თქვენი წონაში მატების ოპტიმალური ვარიანტი დამოკიდებულია თქვენს წონაზე რომელიც ორსულობამდე გქონდათ დაფიქსირებული. ამასთან რაც ნაკლებია თქვენი წონა მით მეტის მომატება შეიძლება ორსულობისას.


სხეულის წონის შესაბამისი ინდექსი ასე გამოითვლება:
სხეულის წონა გაყოფილი სიმაღლის კვადრატზე მაგალითად :
წონა (53კგ) : სიმაღლე (1.68 სმ ხ 1.68 სმ)

  • 18.5 –ზე ნაკლები ინდექსი აღნიშნავს არასაკმარის წონას.
  • 18.5 _ დან _ 25 მდე _ ნორმალურ წონას შეესაბამება.
  • 25 დან 30 მდე ინდექსი აღნიშნავს ჭარბ წონას.
  • 30 დან ზევით _ ჭარბი ცხიმიანობა



1. თუ თქვენი წონა ნორმაზე ნაკლებია – თქვენ შეგიძლიათ მოიმატოთ 12.5 დან – 18კგ.-მდე.
2. თუ ნორმაშია მაშინ – 11.5 დან _16კგ.მდე
3. თუ მანამდეც ჭარბი წონა გაწუხებდათ – 7 დან _ 11.5 კგ. მდე
4. დიდ წონაზე – 6 და ნაკლები
5. ტყუპებზე ორსულობისას – 16 დან – 21კგ. მდე (საკუთარი წონის მიუხედავდად)


სად ნაწილდება მოცემული კილოგრამები?
  • ბავშვი 3 – 3.5 კგ.
  • პლაცენტა 500გრ.
  • გაზრდილი მკერდი 500გრ.
  • საშვილოსნო 1 კგ.
  • დამატებითი სისხლი 1.5კგ.
  • წყალი სხეულში _1.5 – 2 კგ.
  • დამატებითი ხციმები ქალის ორგანიზმში 3-4 კგ



წონის აკრეფის ტემპი სხვადასხვაა, რომელიღაც თვეებში შესაძლოა მეტი მოიმატოთ სხვებში კი ნაკლები. ქალთა ნაწილი ორსულობის პირველივე თვეებიდან იმატებს წონაში,დანარჩენები კი მე -20 კვირიდან იწყებენ მატებას. ნორმალური წონის შემთხვევაში
I ტრიმესტრში 1.5 კგ – ია ნორმა (2-კგ არასაკმარისი წონისას. 800 გრ.- ჭარბი წონისას.)
II და III ტრიმესტრებში წონის მატება შედარებით აჩქარებულია და შესაძლოა 300 გრ-მდე მატება ყოველდღიურად. ბოლო თვეში შესაძლებელია თქვენმა წონამ 1 – 1.5 კგ-ით კილოს. ეს სავსებით ნორმალურია.

გამოკვლევებმა ცხადყო, რომ მხოლოდ უცხიმო მასის მატება იწვევს ბავშვის წონის ზრდას და არაცხიმოვანი მატება, – ქალის სხეულისას. შესაბამისად არ არის რეკომენდირებული ორსულობისას “ორის” მაგივრად კვება.

I ტრიმესტრში თქვენ გესაჭიროებათ 200 გრამის დამატებითი კალორია. II და III ში 300 გრამი.შეეცადეთ რომ ეს გრამები შეავსოთ ჯანმრთელი პროდუქტებით: რძე, ხაჭო, ყველი, იოგურტი, ხილი. არ შეიძლება შიმშილობა, ან განტვირთვის დღეების მოწყობა უჭმელობით. თუ წონის მატება ძალიან სწრაფი ტემპით მიმდინარეობს ამოიღეთ რაციონიდან ტკბილეული და ცხოველური ცხიმები. ნუ მოიკლებთ ხილს და ბოსტნეულს და ხორბლეულს. არ შეიძლება სწრაფი ცვალებადობა წონაში. ეს წნევის მატებას იწვწვს.
შეეცადეთ არ შეჭამოთ ბევრი შოკოლადი, რადგან ცხიმების და კალორიების გარდა ის შეიცავს კოფეინსაც, რომელიც ორგანიზმს ხელს უშლის რკინის და ფოლიუმის მჟავის შეთვისებას. ამავე მიზეზით შეზღუდეთ ყავის და მუქი ჩაის მიღებაც. ტოქსიკოზის შემთხვევაში ჭამა არ შეწყვიტოთ, ჭამეთ ხშირად და ცოტ-ცოტა. წყლის და სითხის მიღებაც აუცილებელია, რადგან სანაყოფე წყლები ყოველ 3 საათში იცვლება და ორგანისმს ახალი წყალი ესაჭიროება.

მშობიარობის შემდგომ წონის დაკლებში თქვენი პატარა დაგეხმარებათ. ძუძუთი კვების პერიოდში თქვენიორგანიზმი ასევე გაძლიერებულად მუშაობს და მას დღეში საშუალოდ 500 კალორიის მიღება სჭირდება. ამიტომ არავითარ შემთხვევაში ამ პერიოდში არ დაიწყოთ დიეტა და შიმშილობა.ეს საშიშია თქვენი და თქვენი პატარისთვის. მიიღეთ ბევრი სითხე და კალორიული საკვები.
ამ პერიოდში არ შეიძლება გადატვირთვა, ასევე საკეისროს არსებობის შემთხვევაში ვარჯიშთა დიდი ნაწილი საშიშიც შესაძლოა აღმოჩნდეს თქვენთვის პირველ თვეებში. არ შეიძლება სევე მძიმე საგნების გადატანა ხელით, ერიდეთ მუცლის დატვირთვას. თუ მშობიარობამ ბუნებრივად ჩაიარა, გართულებების გარეშე, შესაძლებელია მარტივი ვარჯიშების დაწყება უკვე 1 კვირის თავზეც. ბავშვის ხელით ტარებაც ხელს შეუწყობს ჭარბი წონის სწრაფად დაკლებას.


კატეგორია: წონის კონტროლი | დაამატა: baby
ნანახია: 2986 | რამოტვირთვები: 0 | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]