ორსულის რაციონი - კვების ზოგადი ნორმები - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » კვების ზოგადი ნორმები

ორსულის რაციონი
12.06.2008, 19:05
ორსულობის მიმდინარეობა, აგრეთვე ბავშვის ჯანმრთელობა 60-80%-ით დამოკიდებულია დედის სწორ კვებაზე.

ორსულობის პირველი ტრიმესტრი

მომავალმა დედიკომ უნდა იზრუნოს თავის პატარაზე. ორსულობის პირველივე დღიდან მისი საკვები უნდა იყოს მსუბუქი, იოლად გადასამუშავებელი და ამავე დროს ზომიერად ნოყიერიც - აუცილებელია რაციონში პროდუქტების ჩართვა, რომლებიც შეიცავენ ვიტამინ E-ს. იგი მთავარი ელემენტია მუცლის მოშლის პროფილაქტიკისათვის. ვიტამინი E-ს დიდი რაოდენობით შეცავენ არარაფინებულ მზესუმზირის ზეთი, მზესუმზირა, თხილი, ჭინჭარი, მისი რეკორდული რაოდენობა კი ხორბლის თესლებშია.

ბავშვს აქვს ასევე მაღალი მგრძნობელობა A, B, B2, ჩ და PP ვიტამინების ნაკლებობაზე, რამაც შეიძლება გამოიწვიოს ნაყოფის შენელებული განვითარება. მიირთვით ბოსტნეული, ხილი და ჩაიტარეთ კონსულტაცია ექიმთან, როდის უნდა დაიწყოთ ვიტამინების მიღება.

მე-2 თვიდან იწყება ბავშვის ჩონჩხის ფორმირება. ეს ნიშნავს, რომ მომავალმა დედიკომ უნდა მიირთვას პროდუქტები, რომლებიც შეიცავენ კალციუმს და ფოსფორს: რძე, ხაჭო, ისპანახი, თევზი. სოკო ასევე მდიდარია ფოსფორით, კალიუმით და ვიტამინებით B1, B2 და PP.

პირველი ტრიმესტრის მთავარი პრობლემაა - ტოქსიკოზი:

1. არასდროს არ ჭამოთ დანაყრებამდე. მიირთვით დღეში 4-5-ჯერ პატარა ულუფებით.

2.

მიირთვით პროდუქტები, რომლებიც ხსნიან არასასიამოვნო სიმპტომებს: კეფირი, ფორთოხალი, ვაშლი, მინერალური წყალი, კომბოსტოს წნილი, მჟავე კიტრი.

3. ხშირად ღებინების პროვოცირებას ახდენს უძილობა, მადის დაკარგვა, ვიტამინ B6 ნაკლებობა. მიირთვით ფაფები, თხილი, მზესუმზირა, სიმინდი, პარკოსნები.

4. ძლიერი გულისრევის დროს ეფექტურია მონოდიეტა. ერთი დღე მიირთვით მხოლოდ ვაშლი ან მაწონი და დალიეთ დღეში 2 ლიტრამდე სითხე.

ორსულობის მეორე ტრიმესტრი

3-6 თვეები ითვლებიან ყველაზე კომფორტულ თვეებად. კვების ელემენტებიდან ძირითადი მნიშვნელობა ენიჭება რკინას, ცილას და ვიტამინებს ჩ, B, B12. ამ პერიოდში არის ანემიის განვითარების საშიშროება. რკინით მდიდარია ძროხის ხორცი, ღვიძლი, ოხრახუში, ვაშლი, მარწყვი, ბალი, ბროწეული, ასკილი. მცენარეული საკვები ხელს უწყობენ ორგანიზმს რკინის მონელებაში, ამ პროცესს აფერხებს - ცხიმები, კალციუმის მარილები და რძე. ესე იგი, რომ ავიმაღლოთ ჰემოგლობინი ამ პროდუქტების მიღება უნდა დროებით შევზღუდოთ.

ორსულობის მესამე ტრიმესტრი

ბოლო ტრიმესტრში თქვენ დაგჭირდებათ 300 კალორიაზე მეტი, ვიდრე ორსულობამდე. ეს არის 2 ჭიქა რძე, წვნიანის (სუპის) ერთი ულუფა ან ცხიმგაცლილი ხორცის ერთი ნაჭერი. ამ ტრიმესტრში დიეტოლოგები უწევენ რეკომენდაციას 5-6-ჯერად კვებას. ასევე მნიშვნელოვანია პროდუქტების სწორი განაწილება დღის განმავლობაში. მაგალითად, ცილები იწვევენ ნერვული სისტემის აგზნებას და დიდხანს რჩებიან კუჭში, ამიტომ ხორცი, თევზი და კვერცხი უკეთესია მიირთვათ საუზმეზე და სადილზე, ვახშამი კი უნდა შედგებოდეს ბოსტნეულისგან, ხილისგან ან რძის ნაწარმისგან.


მე-7 თვეზე ფორმირდება ბავშვის კბილები ამ პერიოდში კალციუმის დეფიციტი საშიშია არა მხოლოდ ნაყოფისთვის, არამედ დედიკოსთვისაც. შეუცვლელი კალციუმის წყარო - ჩვეულებრივი კვერცხის ნაჭუჭია. აიღეთ უმი კვერცხის ნაჭუჭი, მოაცილეთ აპკი, გარეცხეთ, გაახმეთ, დაფშვენით. აღნიშნული მასა დანის წვერით აიღეთ და მიიღეთ დღეში ერთხელ.

ასევე ამ ეტაპზე პრობლემებს გვიქმნის: შეშუპება, ზედმეტი წონა და გვიანი ტოქსიკოზი. მე-7 თვიდან შეამცირეთ სითხეების მიღება, მოიწყვეთ განტვირთვის დღეები. ამ დროს რეკომენდებულია გარგარის და კურაგის მიღება, სადილის დროს კი პატარა მოხარშული ცხიმგაცლილი ხორცის ნაჭერი.

კვების წესები:

- ჭამეთ ხშირად და პატარა ულუფებით,

- ჩართეთ რაციონში პროდუქტები, რომლებიც არ გადიან სითბურ დამუშავებას,

- შემწვარი ხორცი და თევზი შეცვალეთ - მოხარშულით, შაქარი - ფრუქტოზით, კურაგით და თაფლით

- კონსერვები, ალკოჰოლო, ყავა, ძეხვი, ტორტი, შაქარი, შოკოლადი, გაზირებული სასმელი, სუნელები - გამორიცხეთ საერთოდ!



კატეგორია: კვების ზოგადი ნორმები | დაამატა: baby
ნანახია: 8028 | რამოტვირთვები: 0 | რეიტინგი: 3.0/9
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]