მზადება ორსულობისთვის - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები

მთავარი » ფაილები » მზადება ორსულობისთვის

მასალის რაოდენობა კატეგორიაში: 4
ნაჩვენებია მასალა: 1-4

დალაგება: თარიღით · სათაურით · რეიტინგით · კომენტარებით · ჩატვირთვებით · ნახვებით

”გილოცავთ, თქვენ ორსულად ბრძანებით!” - ზოგს ეს სიტყვები სიხარულს ანიჭებს, ზოგისთვის კი იწყება უგუნებობისა და საკუთარი გარეგნობისადმი აბსოლუტური განურჩევლობის პერიოდი.
შედარებით მძიმეა ორსულობის პირველი თვეები, როდესაც მთელი ორგანიზმი ახალი მდგომარეობის შესაბამისად გარდაიქმნება. რთულია ბოლო თვეებიც, როდესაც გეჩვენებათ, რომ უზარმაზარ მუცელს ძლივსღა დაათრევთ და გეჩვენებათ, რომ სხეულზე მეტი აღარაფერი გაქვთ.

მართალია, ქალს ეს გამოცდა თვით ბუნებამ დაუწესა, მაგრამ ის მაინც მშვენიერი, მომხიბვლელი და განუმეორებელი უნდა დარჩეს.

ვემზადებით ჩასახვისთვის

ბავშვის გაჩენა ოჯახში უფრო ხშირ შემთხვევებში იგეგმება, ამიტომ ორსულებისთვის აუცილებელია წინასწარ მომზადება. ორსულობა არის ჯანმრთელობის ტესტი, გამოცდა ორგანიზმისთვის. ამ დროს ორმაგი დატვირთვით მუშაობენ თირკმელები, სისხლძარღვთა სისტემა, გული, კუჭ-ნაწლავის ტრაქტის ორგანოები და ნებისმიერ სუსტ რგოლს ჯაჭვში მოაქვს გართულებები ორსულობის დროს. ამისგან ადვილად შეიძლება თავის დაღწევა თუ წინასწარ გავივლით კონსულტაციას სპეციალისტთან და მივიღებთ რეკომენდაციებს მკურნალობისთვის.
თუ თქვენ პრაქტიკულად ჯანმრთელი ხართ, დაიწყეთ გინეკოლოგთან ვიზიტისგან, შემდეგ სასურველია მეუღლესთან ერთად ჩაატაროთ შემოწმება ინფექციებზე, რომლებიც გადაიცემიან სქესობრივი გზით. მეუღლისათვის რეკომენდირებულია ჩაიტაროს კონსულტაცია უროლოგთან ან ანდროლოგთან და გაიკეთოს სპერმოგრამა.
შეამოწმეთ სარძევე ჯირკვლების მდგომარეობა.
აუცილებელია ასევე გამოკვლევა ორსულობამდე იმ ქალებისათვის, რომლებსაც წინა ორსულობა დაუმთავრდათ თვითნებური მუცლის მოშლით ან მკვდარი ბავშვის დაბადებით.

დიაფრაგმული სუნთქვა

მომავალი დედები, რომლებს არ აქვთ სათანადო გამოცდილება, შიშით ადევნებენ თვალყურს თავის შეგრძნებებს.

როგორც წესი, ორსულობის 30-ე კვირიდან ორსულს ეწყება ბრექსტონ–ხიკსის კონტრაქციები („სხვატკები“) და სამშობიარო კონტრაქციებისგან განსხვავდებიან იმით, რომ არიან იშვიათი და არარეგულარული. შეკუმშვები გრძელდება 5–10 წამი. მკურნალობას არ საჭიროებს, მაგრამ მდგომარეობის დაძლევაში დაგეხმარებათ:

• თბილი აბაზანა (36–37 გრადუსი) ზღვის მარილით ან კატაბალახას ნაყენით.

• დიაფრაგმული სუნთქვა.

• 32-34 კვირიდან ორსულს უჩნდებათ მენჯის ძვლის მიდამოში არასასიამოვნო შეგრძნებები, რაც ქმნის დისკომფორტს. ამის დაძლევაში დგეხმარებათ მასაჟი, ვარჯიში, აუზი. აგრეთვე ორსულებს აწუხებთ მსუბუქი ტკივილები მუცლის ქვემოთ, საშვილოსნო იზრდება, იწელება და ეს იწვევს ტკივილს. ამ შემთხვევაში ურიგო არ იქნება თბილი აბაზანა და შემდეგი პოზის მიიღება - დადექით მუხლებზე გადაიხარეთ წინ და დაეყრდნით ხელებს 5-10 წუთის განმავლობაში.

მზადება ორსულობისთვის

მზადება ორსულობისთვის

ორსულობისას და მშობიარობისას ქალის ორგანიზმი გაძლიერებული დატვირთვით მუშაობს.
გაორმაგებულია გულის მუშაობა, ასევე კუჭისა და ღვიძლის, ნერვული და იმუნური სისტემების. იმისთვის რომ თქვენმა ორგანიზმმა შეძლოს ამ დატვირთვის ადვილად დაძლევა და დედისა და ბავშვის განვითარებისთვის ყველა ფუნქციის შენარჩუნება, მას ესაჭიროება რესურსები, ამიტომ აუცილებელია, რომ დაორსულების მოსურნე ქალმა მინიმუმ 2 თვით ადრე მაინც იზრუნოს ორსულობისთვის მზადებაზე. ანუ პირველ რიგში სათანადოდ გამოიკვლიოს საკუთარი ორგანიზმი და შემდეგ შეამზადოს ფეხმძიმობისთვის.
ორსულობის ხელისშემშლელ ფაქტორებს შორის მნიშვნელოვანი ადგილი ენიჭება უკვე გადატანილ ინფექციურ დაავადებებს. ასევე მნიშვნელოვანია სხვადასხვა სახის დიაგნოსტიკა, რომელსაც პირადი ექიმი, ან გინეკოლოგი შეარჩევს. ინფექციებზე დიაგნოსტიკა:
ქლამიდია
ჰერპესის ვირუსი
პაპილომა ვირუსი
ციტომეგალო ვირუსი სხვადასხვა ანტისხეულების დადგენა ვირუსების და ბაქტერიების მიმართ

ასევე ძალიან მნიშვნელოვანია სისხლის საერთო და შარდის საერთო ანალიზის გაკეთება ამასთან სისხლის ჯგუფის დამდგენი ანალიზი ორივე მეუღლისთვის, ასევე პროთრომბინის, ჰეპატიტის და შიდსის ვირუსის ანალიზები. ამ ანალიზების აღების შემდგომ თქვენს ექიმს ექმნება სრული წარმოდგენა თქვენს მდგომარეობაზე და ანალიზის პასუხის შესაბამისად აწარმოებს ქალის შემზადებას ორსულობისთვის.