ტოქსიკოზი - ტოქსიკოზი - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » ტოქსიკოზი

ტოქსიკოზი
12.06.2008, 19:15
ბავშვი ატყობინებს მომავალ დედიკოს თავის არსებობაზე უკვე ორსულობის პირველი დღეებიდან საკმაო არასასიამოვნო შეგრძნებებით. დღემდე არ არსებობს ტოქსიკოზის მიზეზის ერთიანი ვერსია. უფრო გავრცელებული ვერსია – დედის ორგანიზმში ახალი ჰორმონების გამოჩენა, რომლებიც იწვევენ ტოქსიკოზს.

არსებობს ასევე სხვა მოსაზრებაც: გულისრევის შეგრძნება და ღებინება ჰორმონის დონეს ამცირებს, რომელიც არ არის საჭირო ამ მომენტში ნაყოფის განვითარებისთვის.

კიდევ ერთი ვერსიის თანახმად, ტოქსიკოზი – ემბრიონის დაცვის ბუნებრივი მექანიზმია, რომელიც იცავს ემბრიონს ბაქტერიებისაგან, შლაკებისაგან და შხამიანი ნივთიერებებისაგან, რომლებიც არის ჩვენს ორგანიზმში.

ტოქსიკოზის გამოვლენას ხელს უწყობენ ქრონიკული დაავადებებიც: კუჭ-ნაწლავის, სტრესი, ფარისებრი ჯირკვლის ფუნქციის დარღვევა, არასწორი კვება, ხელივნური აბორტი და სხვ.

მაგრამ უნდა ვცადოთ და დავამარცხოთ ტოქსიკოზი. უმჯობესია, თუ წინასწარ დაიწყებთ მომზადებას ორსულობისათვის – გადახვალთ ჯანმრთელ კვებაზე, დაანებებთ თავს სიგარეტს, დაიკლებთ წონაში, გაივლით ქრონიკული დაავადებების მკურნალობის კურს. გამაგრებული ორგანიზმი უკეთესად გადაიტანს “ჰორმონალურ ქარიშხალს”.

მაგრამ, თუ მაინც თქვენ შეგაწუხათ ტოქსიკოზმა, თქვენ არ უნდა დაელოდოთ ამ მოვლენის უსიამოვნებებს, რადგან ტოქსიკოზი არის არც ისე უვნებელი. ღებინებასთან ერთად ორგანიზმიდან გამოიყოფა არა მარტო მავნე ნივთიერებები, არამედ მიკროელემენტები, ვიტამინები, ამინომჟავები, რომლებიც ეხლა ძალიან საჭიროა თქვენთვის და ნაყოფისათვის.

კონტროლის ქვეშ იქონიეთ კუჭ-ნაწლავის ტრაქტის მუშობა. არ დაელოდოთ კუჭის შეკრულობას, პროფილაქტიკისთვის მიირთვით შავი ქლიავი, სალათები, ფაფები, მიუსლი. ამოიღეთ რაციონიდან შოკოლადი, მწნილი, კონსერვები, შებოლილი პროდუქტები, ცხიმიანი საკვები, არომატიზატორები. დალიეთ ბევრი სითხე, ეს დაეხმარება ორგანიზმს გაუწყლოებასთან ბრძოლაში. სასარგებლოა გვირილის ჩაი, მინერალური წყალი, ვაშლის ახალგამოწურული წვენი, ასკილის ნაყენი, თაფლიანი ან ლიმონიანი წყალი.

მიიღეთ ვიტამინების კომპლექსი. აუცილებელია B ჯგუფის ვიტამინები, ფოლის და ასკორბინის მჟავა.

საკვები მიირთვით პატარა ულუფებით და ხშირად.

საკვები უნდა იყოს თბილი.

დილით უზმოზე კარგია 1 ჭიქა თბილი წყალი. გულისრევის შეგრძნების დროს დაგეხმარებათ მარილიანი არაქისი, ორცხობილა, ლიმონი ან მანდარინი, პიტნის ნაყენი. ასევე ტოქსიკოზის დროს დაგეხმარებათ ზომიერი ფიზიკური დატვირთვა: ცურვა, ფიტნესი ორსულებისთვის და ფეხით სიარული.


ეცადეთ ნაკლებად იფიქროთ ტოქსიკოზზე, პოზიტიურად შეხედეთ თქვენ მდგომარეობას. ნუთუ ტოქსიკოზს შეუძლია ხელი შეგიშალოთ იმ სასწაულის აღთქმაში, რაც ხდება თქვენში?


ყურადღება!

არის მდგომარეობები, როცა ტოქსიკოზი მეტყველებს ორგანიზმში სერიოზულ დარღვევებზე და საჭიროებს გადაუდებელ მკურნალობას.

• ხშირი ღებინება, დღეში 7-10-ჯერ

• რამოდენიმე დღის განმავლობაში თქვენ არაფერი არ გიჭამიათ ტოქსიკოზის გამო

• სუსტად გრძნობთ თავს

• არტერიული წნევა მნიშვნელოვნად დაბალია

• პულსი აჩქარებულია

• კანი გამომშრალია

• კარგავთ წონას


თუ თქვენ გაწუხებთ რამელიმე ამ სიმპტომებისგან, დაუყოვნებლივ მიმართეთ ექიმს!




კატეგორია: ტოქსიკოზი | დაამატა: baby
ნანახია: 1673 | რამოტვირთვები: 0 | კომენტარი: 2 | რეიტინგი: 4.5/2
სულ კომენტარები: 1
Íàïèñàë: Abhinav
Hey, that's pouefrwl. Thanks for the news.
00:24 > #1
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]