სილამაზის სალონი მომავალი დედებისათვის - მზადება ორსულობისთვის - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » მზადება ორსულობისთვის

სილამაზის სალონი მომავალი დედებისათვის
18.09.2009, 22:26
”გილოცავთ, თქვენ ორსულად ბრძანებით!” - ზოგს ეს სიტყვები სიხარულს ანიჭებს, ზოგისთვის კი იწყება უგუნებობისა და საკუთარი გარეგნობისადმი აბსოლუტური განურჩევლობის პერიოდი.
შედარებით მძიმეა ორსულობის პირველი თვეები, როდესაც მთელი ორგანიზმი ახალი მდგომარეობის შესაბამისად გარდაიქმნება. რთულია ბოლო თვეებიც, როდესაც გეჩვენებათ, რომ უზარმაზარ მუცელს ძლივსღა დაათრევთ და გეჩვენებათ, რომ სხეულზე მეტი აღარაფერი გაქვთ.

მართალია, ქალს ეს გამოცდა თვით ბუნებამ დაუწესა, მაგრამ ის მაინც მშვენიერი, მომხიბვლელი და განუმეორებელი უნდა დარჩეს.
შეხეთ, როგორი სიამაყით გვიჩვენებენ ბურთივით მრგვალ მუცელს ჰოლივუდის ვარსკვლავები. მათაც უმძიმთ, მაგრამ არც მაკიაჟის გაკეთება ავიწყდებათ და არც თმის დავარცხნა. მოდი, მივბაძოთ მათ, რათა ცხოვრების ამ ყველაზე საპასუხისმგებლო პერიოდში უწინდებურად მიმზიდველნი ვიყოთ.
რა არის საჭირო განწყობის გამოსაკეთებლად? ბევრი არაფერი: რაიმე ლამაზი ნივთის შეძენა და სარკეში ჩახედვა, საიდანაც საკუთარი მოვლილი და მხიარული სახე შემოგვანათებს. აი, რატომაა აუცილებელი, რომ ქალი რეგულარულად ესტუმროს სილამაზის სალონს, სადაც შეურჩევენ სპეციალურ პროცედურებს და დელიკატურ მდგომარეობას შეუმსუბუქებენ. მით უმეტეს, რომ ახალმა წელმა უკვე შემოაღო კარი.
ორსულობისას ყველაზე მეტი ჯაფა ფეხებს ადგება. ამ დროს მოსალოდნელია სიმძიმის შეგრძნება და სწრაფი დაღლა, თრომბოფლებიტი, ფრჩხილის ჩაზრდა... რეგულარული პედიკიური - ფეხების პროფესიული მოვლა - სწორედ ის არის, რაც ორსულს სჭირდება, განსაკუთრებით - ორსულობის მეორე ნახევარში.
დაგვეთანხმებით, რომ ყველა ქალი, განურჩევლად იმისა, ორსულად არის თუ არა, ვერ ახერხებს, ისე მოიხაროს, რომ ფეხის თითებს მისწვდეს, ორსულისთვის კი მსგავსი მოძრაობები მით უმეტეს შეუძლებელია. იმისათვის, რომ ფეხები მუდმივად ფორმაში გქონდეთ, პედიკიურის ოსტატს უნდა მიმართოთ, რადგან არასწორად მოჭრილი ფრჩხილი შესაძლოა ხორცში ჩაიზარდოს და დიდი უსიამოვნება მოგაყენოთ.
არცთუ ისე დიდი ხანია, სალონებში გაჩნდა სპა-პედიკიური. რომელიც განსაკუთრებით უხდება ორსულებს, რადგან ის მხოლოდ ოსტატურად შესრულებული პედიკიური კი არ არის, არამედ ტერფების გამაგრილებელ და მკვებავ ნიღბებსაც მოიცავს. მინერალური თიხა, რომელიც ამ ნიღბების შემადგენლობაში შედის, აცხრობს, ამსუბუქებს, აცოცხლებს და აგრილებს შეშუპებულ ფეხებს.
პედიკიურის შემდეგ არც მანიკიურის სპეციალისტის მონახულება დაგავიწყდეთ. ორსულობისას ფრჩხილები მტვრევადი ხდება. ყველა ნივთიერება, რომელიც კი ჩანასახს სჭირდება, დედის ორგანიზმიდან გაედინება, ამიტომ ფრჩხილებს სამშენებლო მასალა აღარ ჰყოფნით.
მთავარია გახსოვდეთ, რომ ორსულობა დაავადება კი არა, ქალის ორგანიზმის სავსებით ბუნებრივი მდგომარეობაა, ამიტომ, მიუხედავად სირთულეებისა, სიცოცხლე გრძელდება!

კატეგორია: მზადება ორსულობისთვის | დაამატა: baby
ნანახია: 23523 | რამოტვირთვები: 0 | კომენტარი: 1 | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]