| მთავარი » ფაილები » აკრძალული სიგარეტი |
სიგარეტის ეფექტი ბავშვებში
| 04.06.2008, 17:49 | |
ითვლება, რომ თუ ბავშვი ადრეული ასაკიდან სუნთქავს სიგარეტის კვამლს, მას მეტი პერსპექტივა აქვს მომავალში გახდეს აქტიური მწველი. თუმცა რომც მოარიდოთ ბავშვი სიგარეტის კვამლს, სკოლის ასაკში თქვენი ძალისხმევა შესაძლოა უშედეგო აღმოჩნდეს. პირველ რიგში, ბავშვები ცნობისმოყვარენი არიან და ბაძავენ უფროსებს. მეორე, ბავშვებზე მშობლების გარდა გავლენას ახდენს ქუჩა და თანატოლები. დადგენილია, რომ პირველ სიგარეტს ბავშვი მეგობრების კომპანიაში ეწევა, საკუთარი სურვილის უქონლობის მიუხედავად. რადგან დგება მომენტი, როცა მისთვის მეგობრების აზრი მეტად მნიშვნელოვანია. მესამე, სიგარეტი დაახლოების ერთგვარი საშუალებაა. 10-14 წლის ასაკში, როცა მოზარდები ჯერ კიდევ სწავლობენ ურთიერთობებს, სიგარეტი ერთგვარი მაშველი რგოლია. დაახლოება მარტივად ხდება, როცა თხოულობ მაგ.სანთებელას. მეოთხე, არანაკლები მნიშვნელობა აქვს რეკლამას, რომელიც მთელ ქალაქშია განფენილი. ბავშვები ადვილად იჯერებენ სარეკლამო ტყუილებს. რა უნდა გავაკეთოთ, რომ თავიდან ავიცილოთ ბავშვის დაინტერესება სიგარეტით? პირველ რიგში აღიჭურვეთ მოთმინებით, რათა ჩაწვდეთ ბავშვის აზროვნებას და პრობლემა ყველა მხრიდან შეისწავლოთ. საუბარი იმაზე, რომ ერთი გრამი ნიკოტინი ცხენს კლავს, მწეველებზე, რომლებიც სიბერეში დაჩაჩანაკდებიან, ფილტვების კიბოზე და სხვა, საკმაოდ უშედეგოა, თუმცა საინტერესო. ამიტომ მოერიდეთ გრძელ ლექციებს, მიეცით მოკლე, კონკრეტული ინფორმაცია, რომლისგანაც დასკვნას თავად გააკეთებს. გაიხსენეთ თქვენი პირველი ნაცნობობა სიგარეტთან და თქვენი განცდები, მოუყევით ამის შესახებ ბავშვს. ეს შექმნის გულახდილობის ატმოსფეროს. გაითვალისწინეთ, რომ ბავშვებს მეტად აინტერესებთ რა მოხდება მათ ცსოვრებაში უახლოეს ხანში, და არა 20 წლის შემდეგ. გაამახვილეთ ყურადღება, რომ მწეველებს ნაოჭები ადრეულ ასაკში უჩნდებათ, კბილები უყვითლდებათ და პირიდან არასასიამოვნო სუნი ამოსდით., რასაც ემატება ფილტვების პრობლემა, თუნდაც ბრონქიტი. სკოლის ასაკის ბავშვზე დაშინება ნაკლებად მოქმედებს. თუ ის მოწევას გადაწყვეტს, მაინც მოწევს და თან შეუმჩნევლად. ადრეულ ასაკში სიგარეტის მავნებლობაზე საუბრის ნაცვლად უნჯობესია ზემოქმედება ემოციურ დონეზე. ყურადღება გაუმახვილეთ არასასიამოვნო სუნზე, რომელიც სიგარეტის მოწევისას დგება ოთახში, ასევე მოარიდეთ მწეველებს სიტყვებით:”არ მინდა მავნე კვამლის ჩასუნთქვა”. თუკი თქვენმა ნაცნობმა თავი დაანება მოწევას, აუცილებლად მოიწონეთ მისი საქციელი ბავშვის თანდასწრებით. არასდროს არ გააკრიტიკოთ ბავშვის გარეგნობა, რათა არ დაუკარგოთ რწმენა, და სიგარეტში არ იპოვოს თავდაჯერების საშუალება. თუ თავად ეწევით, ეცადეთ თავი დაანებოთ ამ მავნე ჩვევას. სხვაგვარად როგორ ესაუბრებით ბავშვს სიგარეტის მავნებლობაზე? მწეველების ოჯახში კითხვა სიგარეტი მოვწიოთ თუ არა კი არ დგას, არამედ როდის დავიწყოთ მოწევა? შეეცადეთ სწორად შეარჩიოთ ბავშვის სკოლა, სექცია,წრე. ყურადღება მიქციეთ, რომ თქვენი შვილი უსაქმურად არ დახეტიალობდეს ეზოში. ასწავლეთ ბავშვს ”არას” თქმა და აუხსენით, რომ არსებობს შეთავაზებები, რომელსაც ამ სიტყვით უნდა უპასუხონ. თქვენ გოგონას მიუთითეთ, რომ სუსტ სქესში მწეველ მამაკაცებზე მეტ წარმატებას არამწეველები აღწევენ. | |
| ნანახია: 2971 | რამოტვირთვები: 0 | რეიტინგი: 5.0/1 | |
| სულ კომენტარები: 0 | |
