დაფეხმძიმება - ორსულობა - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » ორსულობა

დაფეხმძიმება
06.06.2008, 14:50
რა არის ოვულაცია

ოვულაცია, როდესაც ერთი ან მეტი კვერცხუჯრედი გამოდის საკვერცხიდან, ითვლება ყველაზე შესაძლებელ დასაფეხმძიმებელ დროდ მენზის პერიოდში. ყოველ თვე, 15-დან 20 კვერცხუჯრედამდე მწიფდება საკვერცხეში. ამათგან ყველაზე დიდი გამოიყოფა და მოძრაობს მილში. თუ რომელი საკვერცხე გამოყოფს კვერცხუჯრედს აბსოლიტურად შემთხვევითია. არ არის აუცილებელი, რომ თანმიმდევრობით გამოყონ საკვერცხეებმა კვერცხუჯრედები ყოველ ციკლში.

როგორ შეიძლება ოვულაციის მიხედვით დავადგინო როდის შემიძლია დავფეხმძიმდე

იმისათვის, რომ შესაძლებელი იყოს დაფეხმძიმება, საჭიროა გქონდეთ სექსუალური ურთიერთობა ოვულაციამდე 72 საათსა და ოვულაციის შემდეგ 24 საათის განმავლობაში. ამის მიზეზია ის, რომ სპერმატოზოიდები ცხოვრობენ 72 საათის განმავლობაში, ხოლო კვერცხუჯრედი იღუპება ოვულაციიდან 24 საათის შემდეგ, თუ რა თქმა უნდა განაყოფიერება არ მოხდა.თუ ოვულაციის პერიოდს დაამთხვიეთ სექსუალური ირთიერთობა, ასეთნაირად გაზრდით დაფეხმძიმების შანსებს. უპირატესობა თქვენს მხარესაა: ჯანმრთელი წყვილის შემთხვევაში 25 პროცენტიანი დაფეხმძიმების შანსია ყოველი ციკლის დროს, ეს იმას ნიშნავს, რომ ქალების 75-85 პროცენტი დაფეხმძიმდება ერთი წლის განმავლობაში თუ არავითარ ზომებს არ მიიღებს ხელის შესაწყობად ან შესაშლელად.

როდის მაქვს ოვულაცია

დააკვირდით რამდენი დღე გრძელდება თქვენი ციკლი, გადმოთვალეთ უკან 12 და 16 დღე. მიიღებთ დღეების მონაკვეთს, როდესაც ხდება ოვულაცია.
(28 დღიანი ციკლისათვის, მე-14 დღე ხშირად არის ოვულაციის დღე). მაგრამ ყველაზე კარგი მეთოდი, რომ გაიგოთ როდის გაქვთ ოვულაცია მდგომარეობს იმაში, რომ დააკვირდეთ თქვენი ორგანიზმის ცვლილებებს ციკლის დროს.
საშვილოსნოს ყელის ლორწოვანი გარსის ცვლილებები. ციკლის განმავლობაში ამ ლორწოვანი ნივთიერების რაოდენობა იზრდება და მისი შემცველობაც იცვლება. ეს გამოიხატება ესტოგენის დონის აწევით. დასაფეხმძმებლად ყველაზე იდეალურ დროდ ითვლება როდესაც ეს მივთიერება არის ყველაზე კამკამა, სლიპინა და წელვადი. ასეთი ნივთიერება შეიძება შევადაროთ უმი კვერცხის ცილას. ამ გამონაყოფის როლია კვებოს, დაიცვას და ააჩქაროს სპერმატოზოიდები საშვილოსნოში და მილებში, რომლებსაც კვერცხუჯრედთან აქვთ შეხვედრა.
ბაზალური ტემპერატურის აწევა. ოვულაციის შემდეგ, თქვენი ბაზალური ტემპერატურა (ანუ ტემპერატურა სწორ ნაწლავში) იწევს 0.5-1.6 გრადუსით. თქვენ ამ განსხვავებას ვერ იგრძნობთ, მაგრამ ამის დადგენა თერმომეტრის საშალებით შეგიძლიათ. ტემპერატურის ასეთი ცვლილება მიუთითებს, რომ თქვენ გაქვთ ოვულაცია (კვერცხუჯრედის საკვერცხიდან გამოსვლა იწვევს პროგესტერონ-ჰორმონის გამომუშავებას, რომელიც წევს ბაზალურ ტემპერატურას). დაფეხმძიმების ყველაზე მეტი შანსია ტემპერატურის აწევამდე 2-3 დღით ადრე . ზოგი ექსპერტის აზრით, რომ ტემპერატურის აწევის შემდეგ კიდევ 12-24 საათი გაქვთ დრო დასაფეხმძიმებლად, მაგრამ ექსპერტების უმეტესობა თვლის, რომ როდესაც თქვენ შენიშნავთ ტემპერატურის მომატებას, უკვე გვიანია. დაახლოებით 1-2 დღე ჭირდება პროგესტერონს რომ აწიოს ბაზალური ტემპერატურა. რადგან კვერცხუჯრედი ოვულაციიდან მხოლოდ 24 საათის განმავლობაში ცოცხლობს, ამიტომ უკვე გვიანია დასაფეხმძმებლად. ამიტომ ექსპერტები გირჩევენ, რომ გაისინჯოთ ბაზალური ტემპერატურა ყოველ დილას რამდენიმე თვის განმავლობაში რათა აღმოაჩინოთ კანონზომიერება და ზუსტად იცოდეთ როდის გაქვთ ოვულაცია. ამის მერე კი შეგიძლიათ დაგეგმოთ თუ როდის შეგიძლიათ ჩასახოთ ბავშვი.
დისკომფორტი მუცლის ქვედა არეში. ქალების მეხუთედი "გრძნობს" განაყოფიერების ფაქტს, რაც გამოისახება მცირე ტკივილების ან მოვლითი ტკივლებთ. რაც შეიძლება გაგრძელდეს რამდენიმე წუთი ან რამდენიმე საათი.

თუ გეგმავთ დაფეხმძიმებას

თქვენი ცხოვრება გახადეთ მაქსიმალურად ჯანმრთელი, მაქსიმალურად შეამცირეთ ალკოჰოლისა და თამბაქოს მიღება, გაითვალისწინეთ, რომ ბავშვისთვის პასიური წევაც კი ცუდია, ასე რომ ვინც აქამდე თქვენი თანდასწრებით ეწეოდა, ამის მერე სუფთა ჰაერზე უნდა მოწიოს. ჩასახვის საწინააღმდეგო საშუალების მიღებას თავი დაანებეთ, ხოლო რაიმე წამალებს იღებთ, ჰკოთხეთ ექიმს, ხომ არ არის საზიანო თქვენი ფეხმძმობისთვის. და საერთოდ, ექიმის ნებართვის გარეშე რაიმე წამლის მიღება ფეხმძიმობის ბოლომდე საერთოდ არ შეიძლება. განსაკუთრებით უნდა ერიდოთ რენტგენის დასხივებებს, განსაკუთრებით მუცლის არეში. მოუფრთხილდით თქვენს ჯანმრთელობას, ერიდეთ ხალხის თავშეყრის ადგილებს, რადგან ადვილად შეიძლება გადმოგედოთ რაიმე ინფექციური დაავადება. თუ თქვენს ოჯახში სურდო გაუჩნდა ვინმეს, გაუკეთეთ მარლის მასკა, და თქვენც იგივე გაიკეთეთ. არ დაიშროთ თქვენთვის ხახვი და ნიორი - ეს სავსებით უსაფრთხო პროფილაკტიკაა თქვენი ბავშვისათვის. შეეცადეთ მიიღოთ მარტო დადებითი ემოციები. თქვენ იმდენად მნიშვნელოვან საქმეს ეჭიდებით, რომ სხვა რამეებს მასთან შედარებით გავლენა არ უდნა ჰქონდეს თქვენზე. სტრესები ძალიან ცუდია ბავშვისთვის. გააანალიზეთ სად მუშაობთ ან სწავლობთ, უსაფრთხოა თუ არა ის გარემო თქვენთვის და თქვენი ბავშვისათვის. ჯობია ფეხმძიმობის პერიოდისთვის ნაკლები კონტაქტი გქონდეთ ცხოველებთან. კატებს ხშირად აქვთ ინფექცია-ტოქსოპლაზმოზი, რომელიც ადვილად შეიძება გადმოგედოთ, რაც საზიანოა თვქენთვისაც და თვქენი ბავშვისთვისაც. თუ ოჯახში უკვე გყავთ რაიმე ცხოველი, მაშინ მისი მოვლა სხვამ უნდა აიღოს თავის თავზე. კარგი იქნება თუ მას გაასინჯებთ ვეტერინარს, და თქვენც გაივლით გამოკვლევას. ნუ აჭმევთ თქვენს შინაურ ცხოველს უმ ხორცს, და ნუ მისცემთ ნებას ქუჩის ცხოველებთან ჰქონდეს კონტაქტი. რაც შეეხება ძაღლებს, მათ არც თუ ისე ხშირად აქვთ ხოლმე რაიმე დაავადება, რომელიც შეიძლება საზიანო იყოს თქვენთვის. იყიდეთ ფეხმძიმობის მულტივიტამინი (მაგალითად “პრეგნავიტი”, “მატერნა” და “პრენატალი”) და მიიღეთ ყოველდღიურად. რაც მთავარია ეს პრეპარატი უნდა შეიცავდეს არა ნაკლებ 4მგ ფოლიევის მჟავას. სწორედ ასეთი პრეპარატები, თუ მათ მიიღებთ ჩასახვამდე 3 თვით ადრე და ფეხმძიმობის პირველ 12 კვირას, დაიცავს ბავშვს ბევრი დაავადებისაგან და თანდაყოლილი დეფექტებისაგან. შეამცირეთ მაგარი ჩაისა და ყავას მიღება, აგრეთვე შოკოლადისა და კოლას მიღება-ეს შეიძლება საშიში იყოს ბავშვისათვის. თუ თქვენ რაიმე პრობლემები გაქვთ ჯანმრთელობასთან დაკავშირებით, გამონახეთ დრო, რომ წახვიდეთ კონსულტაციაზე ექიმთან.

დაფეხმძიმებისათვის წელიწადის რა დროა საუკეთესო

რა თქმა უნდა, ვერავინ ვერ იტყვის ზოგადად როდის არის საუკეთესო დრო დასაფეხმძიმებლად, რადგან ეს ძალიან სუბიექტურია, მაგრამ მაინც ქვევით მოყვანილია წელიწადის ყველა პლიუსები და მინუსები.

ზაფხულში დაფეხმძმება.
პლიუსები: ზაფხული შვებულებებისა და ქორწინებების პერიოდია (დადებითი ემოციური ტონუსი, დასვენებისათვის ბევრი დრო გაქვთ სუფთა ჰაერზე), ბუნებრივად ვიტამინების მიღება (ახალი ხილი, ბოსტნეული), ეპიდემიების მხრივ ნაკლებად საშიში დრო (ნაკლები საფრთხე ემუქრება ემბრიონს).
მინუსები: მშბიარობა ყველაზე უვიტამინო დროს (საჭიროა დაამტებითი ვიტამინების მიღება), ფეხმძიმობის ბოლო ტრისემესტრი მიმდინარეობს საყოფაცხოვრებო ტრამვების მიღების დიდი შანსით (ვარდნა, ავტოსაგზაო შემთხვევები მოყინულობის გამო).

შემოდგომაზე დაფეხმძიმება.
პლიუსები: კარგი ნატურალური ვიტამინიზაცია დაფეხმძიმების დროს (აგრეთვე მშობიარობის დროსაც), ფეხმძმობის ბოლო ტრისემესტრი მიმდინარეობს საყოფაცხოვრებო ტრამვების მიღების მცირე შანსით.
მინუსები: პირველი ტრისემესტრი მიმდინარეობს ეპიდემიების მხრივ საშიშ დროს (გრიპის ეპიდემია და სხვა. ამ დროს ნაყოფი დაუცველია ინფებისაგან), ბოლო ტრისემესტრის ნაწილი ზაფხულს ემთხვევა (უჰაერობა, სიცხე), არცთუ კარგი პირობებია მელატონის გამოსამუშავებლად (ჰორმონი, რომელიც ინარჩუნებს ფეხმძმობას) - ეს ჰორმონი განსაკუთრებით მნიშვნელოვანია ბოლო ტრისემესტრში, მისი გამომუშავება ხდება ღამის განმავლობაში, ხოლო ბოლო ტრისემესტრი კი ზაფხულის პერიოდს ემთხვევა, როდესაც ღამე მოკლეა.

ზამთარში დაფეხმძიმება.
პლიუსები: ბოლო ტრისემესტრის დროს კარგი ნატურალური ვიტამინიზაცია.
მინუსები:პირველი ტრისემესტრი ეპიდემიების პიკის დროს ემთხვევა - ეს დრო ემბრიონისთვის კრიტიკულია - ისახება ყველა ძრითადი ორგანო და სისტემა, არც თუ კარგი დრო ემთხვევა ახალდაბადებულის სეირნობისათვის სუფთა ჰაერზე, მშობიარობისა და მესამე ტრისემესტრისათვის იგივე უარყოფითი მხარეები აქვს, რაც შემოდგომაზე დაფეხმძიმების შემთხვევაში.

გაზაფხულზე დაფეხმძიმება.
პლიუსები:გაზაფხულის მოსვლასთან დაკავშირებული კარგი ემოციები - კლასიკური სიყვარულის სეზონი, მესამე ტრისემესტრი მიმდინარეობს მელატონის გამომუშავებისათვის ხელსაყრელ და ნატურალური ვიტამინიზაციის პირობებში.
მინუსები: ჰიპოვიტამინიზაციის პიკის დრო დაფეხმძიმებისა ფეხმძიმობის ადრეული ვადების პერიოდში, მესამე ტრისემესტრში შეიძლება საყოფაცხოვრებო ტრამვების მიღება, ბავშვის სიცოცხლის პირველი თვეები ემთხვევა ეპიდემიების პერიოდს, აგრეთვე არც თუ ისე კარგი ამინდი ბავშის გასასეირნებლად სუფთა ჰაერზე.

ყოველივე ზემოთ თქმულის მიხედვით, ყველაზე საუკეთესო დრო დასაფეხმძიმებლად არის ზაფხულის ბოლო და შემოდგომის დასაწყისი.

თქვენი ფეხმძიმობის პირველი 10 ნიშანი


10. მადის გაძლიერება - რა თქმა უნდა მარტო ეს არ ნიშავს რომ თქვენ ფეხმძიმედ ხართ, მაგრამ თუ ამ სიმპტომს ემატება სხვა სიმპტომებიც, მაშინ შესაძლებელია რომ მართლაც ფეხმძიმედ იყოთ.
9. თქვენი არეოლების გამუქება - თუ თქვენი მკერდის თავების გარშემო კანი გამუქდა, შესაძლებელია დაფეხმძიმდით, თუმცა ეს სხვა მიზეზებითაც შეიძლება იყოს გამოწვეული.
8. სისხლდენა ან სპაზმები - ოვულაციიდან 8 დღის შემდეგ, შესაძლებელია გქონდეთ ვარდისფერი ან ყავისფერი მცირე სისხლდენა, აგრეთვე სპაზმები. მცირე სისხლდენები გამოწვეულია იმით, რომ თქვენი კვერცხუჯრედი ეზრდება საშვილოსნოს კედელს.
7. ხშირი მოშარდვა - მას შემდეგ რაც განაყოფიერებული კვერცხუჯრედი მიეზრდება საშვილოსნოს კედელს, იწყებს სპეციალური ჰორმონის გამომუშავებას, რაც განაპირობებს საჭირო ოთახის თქვენს მიერ ხშირ მონახულებას.
6. დაღლილობა - პროგესტერონ ჰორმონის დიდი რაოდენობა იწვევს დაღლილობის და გამოფიტულობის გრძნობას, თითქოს მთელი მარათონი გაირბინეთ, მაშინ, როცა მხოლოდ სამსახურში იჯექით. დაღლილობა ფეხმძმობის ადრეული ნიშანია, თუმცა მარტო დაღლილობა არ ნიშნავს რომ ფეხმძიმედ ხართ.
5. ნაზი, გაფუებული მკერდი - თუ ფეხმძიმედ ხართ, თქვენი მკერდი უფრო და უფრო ნაზი გახდება შეხების მიმართ. დროთა განმავლობაში, როდესაც თქვენი ორგანიზმი მიეჩვევა ჰორმონების სიმრავლეს, ტკივილი გაივლის.
4. გულისრევა - თუ გაგიმართლათ, გულისრევა არ შეგაწუხებთ დაფეხმძმებიდან რამდენიმე კვირის განმავლობაში. მაგრამ ხანდახან დაფეხმძმებიდან რამდენიმე დღის შემდეგ, შეიძება გულის რევა იგრძნოთ და სუსტად იგრძნოთ თავი დღის ნებისმიერ პერიოდში.
3. თქვენი ბაზალური ტემპერატურა მაღალია - თუ 18 დღის განმავლობაში თქვენი ბაზალური ტემპერატურა ისევე მაღალია, როგორც ოვულაციის დროს, ადვილი შესაძლებელია რომ ფეხმძიმედ იყოთ.
2. მენზის არმოსვლა - თუ თქვენ გაქვთ მენზა, და არ მოგივიდათ, გააკეთეთ ტესტი ფეხმძიმობაზე.
1. სახლის ფეხმძიმობის ტესტის დადებითი პასუხი - თუ მენზის დაგვიანების მეორე დღეს ან მოგვიანებით გააკეთეთ სახლის ფეხმძიმობის ტესტი, და მან დადებითი პასუხი მოგცათ, ესე იგი მალე დედა გახდებით.

კატეგორია: ორსულობა | დაამატა: baby
ნანახია: 51978 | რამოტვირთვები: 0 | კომენტარი: 22 | რეიტინგი: 2.5/61
სულ კომენტარები: 201 2 »
Íàïèñàë: Ãîñòü
mtkiva muceli,3 dgea rac gadamicda shesadzloa ro viyo orsulad?
17:36 > #20
Íàïèñàë: merion
4 testi gavikete da 2ma dadebiti michvena, 2ma uaryofiti... :D:D:D:D:D:D:D:D pirveli testi meuglis gamo gavikete, menstuaciidan sadgacme7 tu me9 dges da dadebiti michvena, 3 dgeshi gaketebulma uaryofiti, mere ert kvirashi gavikete da isev dadebiti michvena, bolos sami dgis win gavikete(bolo testi nametani navarocheni viyide) axla aman uaryofiti michvena... veraferi vegar gamigia, simptomebi ki maqvs magram es fsiqologiuric sheidzleba iyos... erti sityvit ra, an orsulobis 1el tveshi momivida da "momikitxa" tviurma anu sadgac 11 kviris var, an arada mxolod 6-7... ityvit axla, eqimtan wasvlaze advili raa, magram chems situaciashi am etapze es dzalian rtulia... ase rom vzivar da vmkitxaob...
16:48 > #19
Íàïèñàë: merion
6-7 kviris fexmdzime var da wyals vsvam uzomod bevrs, marilians da mjaves namdvilad ar vetanebi da verc vxvdebi ra mawyerebs arada botli dadgmuli ar maqvs rom isev mwyuria, gagijebas var.... vinmem tu icit sashishi xom araa?
16:32 > #17
Íàïèñàë: Ãîñòü
aranairi chveneba ar maqvs orsulobis ukve meeqvse dgea gadamicda -ras mirchevt gogoebo?
15:33 > #16
Íàïèñàë: Ãîñòü
ciklis gadacdena maqvs-testi gavakete da uaryofiti shedegi momca,dzalian mainteresebs vaar orsulad?
15:32 > #15
Íàïèñàë: marta
upro sworad tu sheizleba dapexmzimeba mensturaciiis dros sxesobrivi kavshirisas
23:04 > #14
Íàïèñàë: merion
mxolod imis shansia rom raime daavadeba aikido tanac me tu mkitxav araestetiuria smile
16:35 > #18
Íàïèñàë: marta
mainteresebs tu arsebobs daorsulebis shansi ciklis dros sexualuri kavshirisas
22:53 > #13
Íàïèñàë: irma
sunebze maqvs gartuleba,gulis revis shegrdzneba testi gavikete da pasuxi uaryofiti iko .risi bralia?
20:34 > #12
Íàïèñàë: xatia
dzalian minda bichi da rogor unda gamovtvalo rom meyolos
15:28 > #11
Íàïèñàë: natalia naneishvili
cemi amailia ninikunebi14@yahoo.com
16:18 > #10
1-10 11-19
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]