ორსულობის 280 დღე - ორსულობა - ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები
მთავარი » ფაილები » ორსულობა

ორსულობის 280 დღე
12.06.2008, 18:32
ორსულობა - ქალის ორგანიზმში მიმდინარე ფიზიოლოგიური პროცესი ხშირ შემთხვევაში გრძელდება 40 კვირა ანუ 280 დღე (ითვლება ბოლო მენსტრუაციის პირველი დღიდან).

ორსული ქალის ჯანმრთელობა და ცხოვრების წესი განსაკუთრებით ორსულობის პირველ კვირებში დიდ გავლენას ახდენს მომავალ ბავშვზე. მომავალი დედის ნებისმიერი ავადმყოფობა (გრიპი, ანგინა, ტუბერკულოზი, რევმატიზმი, შაქრიანი დიაბეტი, თირკმელების, ღვიძლის დაავადებები), არასწორი კვება, ზოგიერთი წამლის მიღება, სიგარეტის წევა, ალკოჰოლური სასმელების მიღება საზიანოა ნაყოფის განვითარებისა და ჯანმრთელობისათვის.
ყველა მომავალ დედას და ასევე იმ ქალებს, ვინც ახლო მომავალში გეგმავენ ბავშვის გაჩენას, ექიმები ურჩევენ, აუცილებლად მიიღონ ფოლიუმის მჟავა და აი, რატომ:

მეცნიერების დასკვნა

დამტკიცებულია, რომ ფოლიუმის მჟავის დეფიციტს ორსულთა დაახლოებით ერთი მესამედი განიცდის. ჰიპოვიტამინოზის დროს ვლინდება ტოქსიკოზი, დეპრესია, ანემია და ფეხების ტკივილი, მაგრამ მთავარი და ყველაზე მნიშვნელოვანი ამ შემთხვევაში ის გახლავთ, რომ ფოლიუმის მჟავის დეფიციტს შეუძლია გამოიწვიოს ნაყოფის გონებრივი და ფიზიკური ზრდა-განვითარების შეფერხება.

რატომ იჩენს თავს ასეთი სერიოზული დარღვევები? ფოლიუმის მჟავა მონაწილეობს ბიოსინთეზის მოსამზადებელ და დნმ-სა და რნმ-ის პროცესებში, რომლებიც პასუხს აგებენ მემკვიდრული ნიშან-თვისებების ჩამოყალიბებაზე. ახალი სიცოცხლის ჩასახვისას უჯრედების სწრაფი დაყოფა და ქსოვილების ზრდა ნუკლეინის მჟავის სწრაფ სინთეზს საჭიროებს. ის პასუხისმგებელია, რომ ყოველი ახალი წარმოქმნილი უჯრედი შეიცავდეს როგორც დედის, ისე მამის გენების სწორ თანმიმდევრობას. სწორედ ამიტომაა მნიშვნელოვანი, რომ მომავალი დედის ორგანიზმი შეიცავდეს აბსოლუტურად ყველა საჭირო ნივთიერებას, რაც სჭირდება როგორც მომავალ პატარას, ისე თავად დედას.

განსაკუთრებით მნიშვნელოვანია ფოლიუმის მჟავის საჭირო ოდენობა ორსულობის პირველ ტრიმესტრში, რადგან პირველი ორი კვირიდან ნაყოფის ორგანიზმში ნერვული სისტემის ფორმირება მიმდინარეობს. ნერვული უჯრედები სწრაფად იზრდება და ფოლიუმის მჟავის ანუ "საშენი მასალის" დეფიციტმა შესაძლოა სერიოზული გართულებები გამოიწვიოს, მაგალითად: ნერვული თიაქარი, თავის ტვინის განვითარების შეფერხება.

გარდა ამისა, ფოლიუმის მჟავა, იგივე B9, იხარჯება მომავალი დედის 70 ტრილიონი უჯრედის შეცვლასა და "რემონტზე". სწრაფად მზარდ საშვილოსნოს მრავალი ახალი სისხლძარღვი სჭირდება. განსაკუთრებულად უნდა აღინიშნოს, რომ ამ ვიტამინის დიდი რაოდენობა საჭიროა პლაცენტისათვის. სხვა შემთხვევაში ის შესაძლებელია არასრულფასოვნად ჩამოყალიბდეს.

ფოლიუმის მჟავის კიდევ ერთი მნიშვნელოვანი ფუნქცია სისხლის წარმოქმნის პროცესში მონაწილეობაა. მისი საშუალებით ხდება ლეიკოციტების, თრომბოციტების წარმოქმნა. ასევე მნიშვნელოვან როლს ასრულებს ჰემოგლობინის სინთეზშიც, რომელიც სისხლის წითელი უჯრედების, ერითროციტების შემადგენელი ნაწილია.

გასაგებია, რომ მომავალი დედის სისხლის უჯრედები საკმარისი უნდა იყოს ორისათვის და სისტემატურად უნდა მიმდინარეობდეს მათი გამრავლების პროცესი. თუ ამ დროს არ იქნება გათვალისწინებული ორგანიზმის გაორმაგებული მოთხოვნილება ფოლიუმის მჟავის მიმართ, შესაძლებელია განვითარდეს ანემია. სისხლში ჩვეულებრივი ერითროციტების ადგილს იკავებენ გიგანტური, უმწიფარი ფორმები, რომელთაც სისხლში ჰემოგლობინის შემცირებისკენ მივყავართ.

ამ სახის ანემიის განვითარება ძალიან მოკლე დროში ხდება. თავს იჩენს ადვილად დაღლა, ქოშინი, თავბრუ, საერთო სისუსტე. ანემია ერთობ უარყოფითად აისახება დედის ორგანიზმზე და კიდევ უფრო ცუდად - მომავალი პატარას ჯანმრთელობაზე, რადგან ჰემოგლობინი ჟანგბადის მთავარი გადამტანია, რომელიც ესოდენ საჭიროა ბავშვის სიმაღლეში ზრდისა და გონებრივი განვითარებისათვის.

ფოლიუმის მჟავა დადებითად მოქმედებს ნაწლავების ნორმალურ ფუნქციონირებაზე, უზრუნველყოფს კანის სიჯანსაღეს, კარგი პროფილაქტიკური საშუალებაა საკვების მომნელებელი სისტემისათვის.

მხოლოდ თქვენთვის

ფოლიუმის მჟავის მიღება ბავშვის ჩასახვამდე რამდენიმე თვით ადრე უნდა დავიწყოთ. მიუხედავად იმისა, რომ ეს მჟავა ყველა ორსულისათვისაა აუცილებელი, მისი თვითნებურად მიღება არ შეიძლება. მისი რაოდენობა და მიღების ხანგრძლივობა ინდივიდუალურია და ეს ექიმმა უნდა განსაზღვროს.

საკვები, რომელიც ფოლიუმის მჟავას შეიცავს

ამერიკელი მედიკოსების მონაცემებით, ორსულებს, რომლებიც ფოლიუმის მჟავას საჭირო რაოდენობით იღებდნენ, მინიმალური გართულებები აღენიშნებოდათ, დაახლოებით 40%-მდე შემცირდა ახალშობილებში მანკით დაავადებების სიხშირე. ამიტომ საჭიროა, ყველა ორსულმა კარგად დაიმახსოვროს ის პროდუქტები, რომლებიც მდიდარია ამ ვიტამინით და ისიც გაითვალისწინონ, როგორი სახითაა მათი მიღება უკეთესი.

ცნობილია, რომ ფოლიუმისმჟავას შეიცავს მწვანე ფერის მცენარეები. პროდუქტებიდან ამ მჟავის მხოლოდ 50%-ის მიღება შეიძლება. ის წვრილი ნაწლავებიდან შეიწოვება, სადაც სპეციალური რეცეპტორებია განლაგებული. ხოლო ფოლიუმის მჟავა, რომელიც წარმოიქმნება მსხვილ ნაწლავში, საერთოდ არ შეიწოვება. ეს იმას ნიშნავს, რომ უნდა ვიზრუნოთ სრულფასოვან კვებაზე.

ყველაზე დიდი რაოდენობით ფოლიუმის მჟავას შემდეგი პროდუქტები შეიცავს: ქათმისა და ძროხის ღვიძლი, მწვანე სალათის ფოთლები, ბროკოლი, ისპანახი, სტაფილო, საფუარი, კვერცხის ცილა, ყველი, ნესვი. ამასთან, უნდა გვახსოვდეს, რომ ფოლიუმის მჟავა ძალიან მგრძნობიარეა სინათლისა და ჟანგბადის მიმართ. ამიტომ ბოსტნეულის უმეტესობა სამი დღის შენახვის შემდეგ ამ ვიტამინის დაახლოებით 70%-ს კარგავს. თერმული დამუშავების შემდეგ კი საერთოდ არ ნარჩუნდება


კატეგორია: ორსულობა | დაამატა: baby
ნანახია: 12911 | რამოტვირთვები: 0 | კომენტარი: 5 | რეიტინგი: 3.0/20
სულ კომენტარები: 5
Íàïèñàë: mare78.78@mail.ru
gamarjobat mainteresebs ramdenad uwyobs xels dafexmdzimebas foliumis mjava
13:27 > #5
Íàïèñàë: mari
mainteresebs, ra zians ayenebs dedis nerviuloba orsulobisas nayofze?
21:12 > #4
Íàïèñàë: luiza.
გამარჯობათ! მესტურაციის მოსვლის დღიდან გავიდა 6 კვირა,მეშვიდე დაიწყო უკვე მეხუთედ გავიკეთე ტესტი და პასუხი უარყოფითია. ექიმთან არ მინდა წასვლა ამას სხვადასხვა მიზეზზები აქვს,და შეიზლება რომ ფეხმზიმედ ვიყო და როგორ გავიგო! გთხოვთ ექიმთან წასვლის გარეშე თუ იცით რამე საშვალება რომ მითხრათ როგორ დავადგინო ვარ თუ არა ფეხმძიმედ.წინასწარ მადლობა, (სასწრაფოდ მესაჭიროება პასუხი)
17:34 > #3
Íàïèñàë: niniko
ramdeni kviris orsuli unda viko rom eqoskopiam achvenos?testma machvena 5marts da 13 marts eqoskopiam ar achvena
12:44 > #2
Íàïèñàë: maiamaia
gamarjobat . var mocekvave. ert tveshi mivdivar sagastrolo turneshi. normaluri orsulobis shemtxvevashi mivayeneb tu ara pataras raime zians?
19:26 > #1
Êîä *: