| მთავარი » ფაილები » ეპიდურალური ანესთეზია |
რა არის ეპიდურალური ანესთეზია ?
| 04.06.2008, 21:34 | |
რა არის ეპიდურალური ანესთეზია ? ეს არის მეთოდი რომლის მეშვეობით ხდება მშობიარობის (და არა მარტო) პერიოდში, ტკივილების გაყუჩება, წელის არეში (ეპიდურალურ სივრჩცეში) ანესტეტიკის შეყვანით, რითაც იბლოკება ის ნერვები, რომელთაც ტკივილის იმპულსების ტვინამდე მიღწევა ევალებათ. ამგვარი გაყუჩება ადგილობრივი გაყუჩების ნაირსახეობაში შედის. როგორ ხდება გაუტკივარების გაკეთება? იმის შემდეგ რაც ექიმი-ანესთზიოლოგი ხელს მოგაწერინებთ ანეთეზიის თანხმობის ბლანკზე, თქვენ დაგსვამენ ან დაგაწვენენ მაქსიმალურად მოხრილ მდგომარეობაში. აქვე ანტისეპტიკური საშუალებებით ამუშავებენ ზურგის იმ მიდამოს სადაც იგეგმება კათეტერი ჩადგმა. კეთდება კანის ადგილობრივი გაყუჩება. ანესთეზიის გაკეთების პროცესში თქვენ გაუნძრევლად იმყოფებით. კათეტერი პლასტირით გიმაგრდებათ ზურგზე, რაც თავიდან გაცილებთ ყოველგვარ უხერხულობას და დისკომფორტს. კათეტერის საშუალებით ანესთეზიოლოგი იწყებს გამაყუჩებლის შეყვანას. ინექცია უმტკივნეულოა. მაქსიმალური ეფექტი მიიღება გამაყუჩებლის შეყვანიდან დაახლოებით 20 წუთში, შესაძლებელია ანესთეზიის დამატებითი დოზის შეყვანაც, მშობიარეს მოთხოვნის მიხედვით. ტკივილის სრულად გაყუჩების შემდეგ თქვენ შეიძლება იგრძნოთ ფეხების მცირე დაბუჟება და სისუსტე, რომელიც მშობიარობიდან რამოდენიმე საათში უკვალოდ გაქრება. რა დადებითი მხარეები აქვს ამგვარ გაყუჩებას? თქვენ მშობიარობის პროცესში ხართ აბსოლიტურად ფხიზელი, რაც გულისხმობს იმას, რომ თქვენ სრულად შეიგრძნობთ იმ ბედნიერ ცუტებს რასაც ბავშვის დაბადება ჰქვია თუ მშობიარობის პროცესსში აუცილებელი გახდა საკეისრო კვეთის გაკეთება, საკმარისი იქნება მხოლოდ ანესთეზიის დოზის დამატება. მშობიარობის გაყუჩებისას გამოყენებული სხვა სახის პრეპარატებმა შეიძლება გამოწივიონ ბავშვზე ზემოქმედება. ეპიდურალური გაყუჩებისას ეს არ ხდება. უარყოფითი მხარეები: ეპიდურალურმა გაყუჩებამ იშვიათად მაგრამ შესაძლოა გამოიწვიოს მშობიარობის პირველი სტადიის გახანგრძლივება. ამ პერიოდში შეიძლება გაგიჭირდეთ შარდვა და საჭირო გახდეს შარდის ბუშტში კათტერის ჩადგმა, რომელიც უმტკივნეულოა. ეპიდურალური კათეტერის ამოღების შემდეგ ნაჩხვლეტის არეში შესაძლოა გქონდეთ მსუბუქი ტკივილის შეგრძნება. შესაძლოა (იშვიათად) გაყუჩებამ გამოიწვიოს თავის ტკივილები, ამ შემთხვევაში მიმართეთ ანესთეზიოლოგს. | |
| ნანახია: 2449 | რამოტვირთვები: 0 | რეიტინგი: 3.6/5 | |
| სულ კომენტარები: 0 | |
