მთავარი » ფაილები » ზრდა-განვითარება

კითხვა-პასუხი ბავშვთან
04.06.2008, 18:13
ურთიერთობა ბავშვისთვის ისევე აუცილებელია, როგორც ჰაერი. ასე რომ არც ეცადოთ თავი აარიდოთ პასუხების გაცემას გაუთავებელად დასმულ კითხვებზე „რატომ“ და „საიდან“. მოთმინებით მოისმინეთ მათი ისტორიები, თუნდაც ხშირად გაუგებარი იყოს თქვენთვის.

ექვსი წლის ასაკში ბავშვი ამდიდრებს თავის სალაპარაკო მარაგს. იგი ცდილობს სწორად გამოიყენოს ესა თუ ის სიტყვა და დაალაგოს წინადადება, თუმცა ცდილობს რა სწორად გამოთქვას თავის სათქმელი, სიტყვებს უცვლის ფორმებს. თქვენ შეგიძლიათ და მოვალენიც ხართ დაეხმაროთ ბავშვს სიტყვების სწორად გამოთქმასა და ლექსიკონის გამდიდრებაში.

ამისთვის საჭიროა გულისყურით მოუსმინოთ ბავშვს და შეუსწოროთ სიტყვების წარმოთქმისას დაშვებული ყველა შეცდომა . გამართეთ მასთან თემატური დისკუსიები, გაუმდიდრეთ ლექსიკა, გამოკითხეთ და მოაყოლეთ წინა დღის ამბები, განიხილეთ ბავშვთან ერთად მულტფილმები.
სკოლამდელი ბავშვისთვის რთულია წინადადების გამართვა. ასევე ძნელად იმახსოვრებენ, თუ რა შეემთხვათ.

მაგალითად, კითხვაზე, თუ რა დაამახსოვრდა გასული წლის ზაფხულის არდადეგებიდან, ვერ მიიღებთ პასუხს, რომელსაც ელოდებით. იმდენად ბევრი შთამბეჭდავი მომენტი იყო ბავშვისთვის, რომ მას უჭირს სწორად ჩამოაყალიბოს თავის აზრი.
ასევე ვერ მიიღებთ სასურველ პასუხს ისეთ კითხვებზე,როგორიცაა: რომელ თეატრში იყავით შენ და მამა? რა ერქვა სპექტაკლს? რომელი გმირები მოგეწონა?

ბავშვთან დიალოგისას ეცადეთ არ დაუსვათ ისეთი კითხვები, რომლებზეც გიპასუხებთ მარტივად „კი“ ან „არა“. მაგალითად: „გინდა სკოლაში წასვლა?“-„კი“. ფორმულირება გაუკეთეთ შეკითხვას მაგალითად ასე: „რატომ გინდა სკოლაში წასვლა?“
ბავშვისთვის სასარგებლოა ითამაშოს „სკოლობანა“, „დედა-შვილობანა“, „მაღაზიობანა“. ასეთი თამაშების დროს ბავშვის მეტყველება იხვეწება. მათი ფასეულობა ისაა, რომ ამ დროს ბავშვი არა მარტო მოქმედებს, არამედ მეტყველებს კიდეც. ამით იგი სწავლობს გამართულად ჩამოაყალიბოს თავის აზრი „მსმენელთათვის“.

სკოლაში მისვლამდე, თქვენი დახმარებით ბავშვმა რამოდენიმე სიახლე უნდა შეიტანოს მეტყველებაში:
სწორად გამოთქვას უკვე ნაცნობი სიტყვები.
ისაუბროს თავისუფლად და გარკვევით.
უნდა შეეძლოს საკუთარი აზრის დალაგებულად გამოთქმა და პატარა ისტორიების მოყოლა.
ისწავლოს გაგონილი ან წაკითხული ზღაპრებიდან დასმულ კითხვებზე პასუხი გაცემა.
უნდა შეეძლოს კითხვების სწორად ფორმულირება.
ზეპირად იცოდეს რამოდენიმე ლექსი.

ნუ ვინერვიულებთ, თუ ბავშვი თავიდან ვერ ართმევს თავს სიაახლეებს მეტყველებაში. ის რაც არ იცის ბავშვმა, გვჯეროდეს, რომ აუცილებლად ისწავლის სკოლის გაკვეთილებიდან.


კატეგორია: ზრდა-განვითარება | დაამატა: baby
ნანახია: 2015 | რამოტვირთვები: 0 | რეიტინგი: 5.0/1
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]