მთავარი » ფაილები » საშვილოსნოს ჰიპერტონუსი

საშვილოსნოს ჰიპერტონუსი
18.09.2009, 11:00
საშვილოსნოს ჰიპერტონუსი ანუ საშვილოსნოს ტონუსის მომატება ნიშნავს ამ ორგანოს ნაადრევ შეკუმშვებს, რომლებიც იწყება მშობიარობის მოსალოდნელ ვადაზე გაცილებით ადრე, ორსულობის ადრეულ პერიოდში. საშვილოსნოს ჰიპერტონუსი დამოუკიდებელი დაავადება არ არის. ის მიუთითებს ქალის ორგანიზმში არსებულ პათოლოგიურ მდგომარეობაზე, რომლის იგნორირება არ შეიძლება, რადგან რეალურ საფრთხეს უქადის ორსულობის შეწყვეტას.



რა იწვევს ჰიპერტონუსს
საშვილოსნოს ჰიპერტონუსი შესაძლოა გამოწვეული იყოს:

ჰორმონული დარღვევებით. ეს დარღვევები უმეტესად გამოწვეულია საკვერცხეების ფუნქციის დაქვეითებით, რასაც თან სდევს ქალური ჰორმონების - ესტროგენების და/ან პროგესტერონის შემცირება, ასევე ჰიპერანდროგენიით - თირკმელზედა ჯირკვლებში და/ან საკვერცხეებში მამაკაცური ჰორმონების გაძლიერებული გამომუშავებით, რის მიზეზიც ხშირად ფარულად, უსიმპტომოდ მიმდინარე ენდოკრინული დაავადებებია. ორსულობის გარეშე ეს მდგომარეობა საშიში არ არის, ორსულობის დროს კი, როდესაც ყველა ორგანოსა და სისტემის დატვირთვა მომატებულია, ზოგჯერ ირღვევა მამაკაცური და ქალური ჰორმონების ოპტიმალური თანაფარდობა.
ინფექციური დაავადებებით. საშვილოსნოს ჰიპერტონუსი შესაძლოა განვითარდეს მცირე მენჯის ღრუს ორგანოების ანთებითი დაავადებების ფონზე ან გადატანილი ხელოვნური აბორტის შედეგად.
სასქესო ორგანოების განუვითარებლობით. გენიტალური ინფანტილიზმი, განვითარების მანკები (ორრქიანი საშვილოსნო და სხვა), სიმსივნური წარმონაქმნები საშვილოსნოში (მიომა) ხშირად იქცევა საშვილოსნოს ტონუსის მატების მიზეზად.
ისთმურ-ცერვიკალური (საშვილოსნოს ყელის) უკმარისობით. საშვილოსნოს ყელი ვერ უძლებს მომატებულ დატვირთვას და მშობიარობის დაწყებამდე გაცილებით ადრე იწყებს გახსნას, ეს კი საშვილოსნოს ტონუსის მატებას იწვევს.
ორსულობის დროს იმუნურ სისტემაში მომხდარი ჩავარდნით.
ექსტრაგენიტალური დაავადებებით. ეს ის დაავადებებია, რომლებიც უშუალოდ არ უკავშირდება სასქესო ორგანოებს (ანუ გულის, თირკმელების და სხვა ორგანოთა დაავადებები). გარდა ამისა, დადგენილია, რომ ქალების შფოთვითი და დეპრესიული მდგომარეობა ორსულობამდეც და ორსულობის დროსაც ასევე ზრდის საშვილოსნოს ტონუსის მომატების ალბათობას.



რას იწვევს ჰიპერტონუსი
ორსულობის I ტრიმესტრში საშვილოსნოს ტონუსის მატება იწვევს სანაყოფე კვერცხის დაღუპვას, ორსულობის ნაადრევ შეწყვეტას. II და III ტრიმესტრებში საშვილოსნოს ტონუსის მატება იწვევს გვიანდელ თვითნებით აბორტს და ნაადრევ მშობიარობას, ხელს უწყობს ისთმურ-ცერვიკალურ უკმარისობას. ტონუსის მატება საშიშია განვითარებადი ნაყოფისთვის, რადგან ამ დროს ირღვევა პლაცენტის სისხლის მიმოქცევა, ნაყოფი განიცდის ჟანგბადოვან შიმშილს, ფერხდება ზრდა. ხშირია პლაცენტის აშრევება და ჰიპოტროფიული ნაყოფის დაბადება.



როგორ ვლინდება ტონუსის მატება
საშვილოსნოს ტონუსის მომატებისას თავს იჩენს ტკივილის, სიმძიმისა და ქაჩვის შეგრძნება წელისა და მუცლის ქვედა ნაწილში. ტკივილი ხშირად მენსტრუაციის მსგავსია.



როგორ მკურნალობენ
ინიშნება საშვილოსნოს დამამშვიდებელი და სპაზმის მომხსნელი პრეპარატები (ვალერიანი, ნო-შპა, პაპავერინის სანთლები, მაგნე-B6, გინიპრალი, E ვიტამინი). არ შეიძლება ფიზიკური დატვირთვა. სასურველია ხშირად დაისვენოთ. უკუნაჩვენებია სქესობრივი კავშირი, რადგან ამ დროს ძლიერდება საშვილოსნოს შეკუმშვა, რამაც მომატებული ტონუსის დროს შესაძლოა ნაადრევი მშობიარობის პროვოცირება მოახდინოს. მკურნალობის უეფექტობის, რეგულარული შეტევითი ჭინთვებისა და ტკივილის შემთხვევაში, მით უმეტეს მაშინ, როცა ამას თან სდევს სასქესო ორგანოებიდან სისხლიანი გამონადენი, დაუყოვნებლივ მიმართეთ ექიმს. ჰოსპიტალიზაციის საკითხი დროულად უნდა გადაწყდეს, რადგან არსებობს ორსულობის შეწყვეტის რეალური საშიშროება. გახსოვდეთ: ამ სიტუაციაში საჭიროა წოლითი რეჟიმის დაცვა, ამიტომ უმჯობესია, სასწრაფო დახმარების ბრიგადა გამოიძახოთ.
სტაციონარში ტარდება სამეანო და ულტრასონოგრაფიული გამოკვლევა, განისაზღვრება, არსებობს თუ არა ორსულობის შეწყვეტის საფრთხე და ტარდება ადეკვატური ღონისძიებები მის შესანარჩუნებლად, ფასდება ნაყოფისა და სანაყოფე გზების მდგომარეობა. აუცილებლობის შემთხვევაში განისაზღვრება ჰორმონების დონე სისხლსა და დღეღამურ შარდში, ტარდება გამოკვლევა გენიტალურ ინფექციებზე.



როგორ ავიცილოთ თავიდან
ორსულობის დაგეგმვისას უმჯობესია გამოიკვლიოთ მცირე მენჯის ღრუს ორგანოები ინფექციურ დაავადებებზე, კონსულტაციისთვის მიმართოთ გინეკოლოგ-ენდოკრინოლოგს, აუცილებლობის შემთხვევაში - ფსიქოთერაპევტსაც.

კატეგორია: საშვილოსნოს ჰიპერტონუსი | დაამატა: baby
ნანახია: 11962 | რამოტვირთვები: 0 | კომენტარი: 9 | რეიტინგი: 3.5/6
სულ კომენტარები: 8
Íàïèñàë: Ãîñòü
me 10kviris var da mec tonusi maqvs....nu ratqmaunda woliti rejimi maqvs gamowerili da zemot agnishnuli rchevebic :*:*:*
17:01 > #8
Íàïèñàë: ეკა
მეც მაქვს ჰიპერტონუსი 21 კვირის ვარ, მაგრამ ჩემმა ექიმმა მითხრა საშიში არაფერია არ ინერვიულოო ?!
20:08 > #7
Íàïèñàë: ხატია
didi madloba dzalian kargi saitia
20:08 > #6
Íàïèñàë: ნანუკა
zalian momcons tqveni saiti . didi madloba eseti kargi informaciistvis :)
21:29 > #5
Íàïèñàë: mariami
ukacaravad shemeshala.21 kviris var da exo 25 kviras meubneba,arada 99%var darcmunebuli ro ar var 25 kviris.
22:49 > #4
Íàïèñàë: mariami
mec maqvs hipertonusi da var 25 kviris.dzalian ganvicdi tan exo erti tvit win uswrebs da 25 kviras meubneba nayopze.
22:47 > #3
Íàïèñàë: sofiaa
ramdenad gamartlebulia hipertonusis dros woliti rejimi?
23:02 > #2
Íàïèñàë: irina
mec mqonda tonusi da viketebdi tokografias zalian anformaciuli kvlevaa am problemis dros!!!!!!!!!!!!!!!!!!!
23:40 > #1
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]