დედობის უსაფრთხოების უზრუნველყოფა

განვითარებად ქვეყნებში ყოველ ერთ წუთში ერთი ქალი იღუპება ფეხმძიმობის ან მშობიარობის დროს გამოწვეული  ისეთი გართულებების შედეგად, რომელთა თავიდან აცილება ან აღკვეთაც შესაძლებელია. ყოველ წუთში ინგრევა ოჯახი, გადარჩენილ ბავშვთა სიცოცხლე საფრთხეშია.  ზარალდება საზოგადოება. ამას გარდა, ერთ გარდაცვლილ ქალთან ერთად, სულ მცირე, აღირიცხება ოცი სერიოზულად დაზარალებული ადამიანი, რომლების ფისტულებისა თუ სხვა მრავალი სამშობიარო გართულებებისაგან იტანჯებიან.

ფონდის სტრატეგია დედათა სიკვდილიანობის პროფილაქტიკისათვის, ითვალისწინებს:

• ოჯახის დაგეგმვა და არასასურველი ორსულობის თავიდან აცილება.
• კვალიფიცირებული დახმარება მშობიარობის დროს.
• გადაუდებელი გინეკოლოგიური დახმარება ყველა ქალს, რომელსაც    განსაზღვრულ დროს გართულებები შეექმნება.

ფონდი ასევე სხვადასხვა დონეზე გამოდის დედათა უსაფრთხო მშობიარობის უფლების დაცვის მოთხოვნით. ფონდი ხელმძღვანელობს ე.წ. ფისტულასთან ბრძოლის გლობალურ კამპანიას. ეს კამპანია ამავდროულად წარმოადგენს ამ დამანგრეველი სამშობიარო ტრამვის თავიდან აცილების  ერთობლივ ინიციატივას და იმ ადამიანთა ჯანმრთელობისა და ღირსების აღდგენას, ვინც დაავადების შედეგებს  საკუთარ თავზე განიცდის.

ეს კამპანია ასევე აგვარებს კვალიფიცირებულ ბებიაქალთა ნაკლებობის პრობლემას განვითარებად ქვეყნებში. თუმცა ბოლო სტატისტიკური მონაცემების მიხედვით, დედათა სიკვდილიანობის მაჩვენებელი ძალიან ნელა მცირდება იმისათვის, რომ ქაიროს საერთაშორისო კონფერენციის მიზანი შესრულდეს და იგი 2015 წლისათვის 75%-ით შემცირდეს.

წარმატებული ვაჭრობა პლაცებოთი

ყოველწლიურად მთელს მსოფლიოში მილიონობით ადამიანი ავადდება ჩვეულებრივი გაციებით. მისი სიმპტომები კარგადაა ცნობილი: ანთებითი ყელი, ამოვსებული ანუ ცინგლიანი ცხვირი, ცემინება, შესაძლოა მაღალი სიცხეც, ტკივილები, ხანდახან კი გამაღიზიანებელი ხველებაც.

მიზეზიც კარგადაა ცნობილი - ვირუსების 5 ოჯახს მიკუთვნებული 200 სხვადასხვა შტამიდან ერთ-ერთი. გაციებითი დაავადებების 30%-დან 50%-მდე გამოწვეულია რინოვირუსებით, ხოლო კორონავირუსებზე მოდის გაციების საერთო რიცხვის 15%-დან 20%-მდე. რესპირატორულ-სინციტიალური, გრიპის, პარაგრიპისა და ადენოვირუსები იწვევენ დანარჩენი გაციებითი დაავადებების უმრავლესობას [11].

თუმცა, ჩვეულებრივი გაციება მსუბუქ ფორმაში მიმდინარეობს და გადის მკურნალობის გარეშეც განსაზღვრული დროის გასვლის შემდეგ [2], გრიპთან და სხვა მწვავე რესპირატორულ ინფექციებთან ერთად გაციებამ აშშ-ში 1982 წელს წელს ხანმოკლე (მწვავე) დაავადებების 48% შეადგინა. იგივე აშშ-ში ყოველწლიურად სამ მილიონზე ადამიანი ავადდება ფილტვების ანთებით, რომელთაგან ნახევარ მილიონს ჰოსპიტალიზაცია ესაჭიროება [4]. საერთო ჯამში, ინდუსტრიულად განვითარებულ ქვეყნებში, ექიმებთან ვიზიტების 25-50% სწორედ მწვავე რესპირატორული დაავადების მიზეზით ხდება. პაციენტების დაახლოებით ერთი მესამედი უჩივის საერთო გაციებას, ერთ მესამედს ფარინგიტის სიმპტომები აქვს, ხოლო სხვები ავადმყოფობენ ბრონქიტით, პნევმონიით ან გრიპით [5]