ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები

სულ კატალოგში მასალაა: 104
ნაჩვენებია მასალა: 31-40

გვერდები: « 1 2 3 4 5 6 ... 10 11 »

ცოლ-ქმარს მეორე შვილის გაჩენა სურს. როდის ჯობს ამის გაკეთება ფსიქოლოგიური, სამედიცინო თუ ყოფითი თვალსაზრისით? ფსიქოლოგებს მიაჩნიათ, რომ იმ ფაქტორებს შორის, რომლებიც ნეგატიურ გავლენას ახდენს ბავშვის ფსიქიკაზე, არის დისა და ძმის ფაქტორიც. როდესაც ოჯახში მშობელთა ყურადღების მეორე ობიექტი ჩნდება, ბავშვი ეჭვიანობს, ნერვიულობს, განიცდის. როგორ გაუმკლავდება პატარა ნეგატიურ განცდებს, დამოკიდებულია ოჯახში არსებულ ზოგად ატმოსფეროზე, იმაზე, როგორ "აღმზრდელობით ხაზს" ატარებენ მშობლები, რამდენად მოახერხებენ, თანაბრად გაუნაწილონ ყურადღება ორივე შვილს.

სმენა იყოს და გაგონება

ალბათ მრავალ უსიამოვნებას ავიცილებდით თავიდან, თანამოსაუბრის მოსმენა რომ შეგვეძლოს... ძველი ბერძენი ფილოსოფოსი ზენონი წერდა, ორი ყური და ერთი ენა იმისთვის გვაქვს, რომ მეტი მოვისმინოთ და ნაკლები ვილაპარაკოთო. მოსმენის ხელოვნებას თანამედროვე სამყაროშიც ოქროს ფასი აქვს, რადგან მას ადამიანთა ძალიან მცირე ნაწილი ფლობს. ბევრმა არ იცის, რომ ამ უნარს ბავშვობიდანვე უნდა ჩაეყაროს საფუძველი. მოსმენის სტილს კი ბავშვი უფროსების მაგალითზე ითვისებს. საინტერესოა, მაგრამ ფაქტია - ყველა მშობელს სურს, მისმა შვილმა ჩქარა დაიწყოს ლაპარაკი, მაგრამ მინიმალურ დროს უთმობენ იმას, რომ პატარას ნორმალური მოსმენა და სხვისი სიტყვების გაგონება ასწავლონ. მშობლები ვერ აცნობიერებენ, რომ სწორედ ეს არის წარმატების საფუძველი ჯერ სკოლაში, შემდგომ კი ცხოვრებაში.

ნაწლავთა პერისტალტიკის გასაუმჯობესებელი ვარჯიშები ორსულებისთვის

I. ზურგზე დაწექით, ფეხები მუხლებში მოხარეთ, ტერფები იატაკზე დადგით, ხელები სხეულის გასწვრივ გაჭიმეთ.
ჩაისუნთქეთ და მუცელი გაბერეთ, შემდეგ ამოისუნთქეთ და საწყის მდგომარეობას დაუბრუნდით. ამოსუნთქვის დასასრულს მუცლის კუნთები დაჭიმეთ.

II . ზურგზე დაწექით, ფეხები მუხლებში მოხარეთ, ტერფები იატაკზე დადგით, ხელები თავქვეშ ამოიწყვეთ.

დაბადებამდე ცხრა თვე და მთელი საუკუნე

მომავალი დედა თავს ალბათ გამადიდებელი შუშის ქვეშ მოთავსებულ არსებად თვლის - ის ხომ ორსულობისას უამრავ კვლევას იტარებს, რათა ექიმებს ორგანიზმში მიმდინარე ცვლილებები არ გამოეპაროთ. თანამედროვე ცნობარებისა და ინტერნეტის წყალობით ორსულმა შესაძლოა ნებისმიერ შეგრძნებას უპოვოს ახსნა, მაგრამ საკუთარ ორგანიზმში ახალი სიცოცხლის შეგრძნება კვლავ აუხსნელ სასწაულად რჩება. როგორ ვითარდება პატარა იმ ცხრა თვის განმავლობაში, რომლებიც მისი ხილვის მოლოდინში შეიძლება საუკუნედაც მოგეჩვენოთ?

განაყოფიერებული კვერცხუჯრედი მესამე კვირის ბოლოს საშვილოსნოს რბილ კედელში ინერგება. ემბრიონის გარეთა უჯრედების ხაოები შეაღწევენ საშვილოსნოს ამომფენი ეპითელიუმის შრეში და დედის სისხლძარღვებს უერთდებიან, რათა შემდგომში პლაცენტა წარმოიქმნას. დედა და შვილი უკვე ერთი არსებაა. მეხუთე-მეექვსე კვირას ყალიბდება თავის ტვინი, ხერხემალი, ცენტრალური ნერვული და საჭმლის მომნელებელი სისტემები. თავზე უკვე ოთხი ჩაღრმავება შეინიშნება - ეს მომავალი თვალები და ყურებია. მეექვსე კვირის ბოლოს გული ფეთქვას იწყებს. ბავშვს უკვე აქვს კიდურების პაწაწინა ჩანასახები. სხეულის ძირითად მასას ჯერ კიდევ თავი ქმნის. მეშვიდე კვირისთვის იწყება სახის ფორმირება. თვალები ჯერ კიდევ მაგრად არის დახუჭული. გამოკვლევისას ხელები და ფეხები კარგად გაირჩევა. პატარა გული იწყებს სისხლის გადადევნას მთელ ორგანიზმში. ბავშვს უკვე აქვს ფილტვებიც, ნაწლავებიც, ღვიძლიც, თირკმელებიც, შიგნითა სასქესო ორგანოებიც, უბრალოდ, მათი ფორმირება ჯერ კიდევ არ არის დასრულებული. მერვე კვირიდან ექიმები თქვენს პატარას ნაყოფს უწოდებენ (აქამდე ის მხოლოდ ემბრიონი იყო). თუ აქამდე თქვენი პაწაწინა მძინარე ცხოველს ჰგავდა (პატარა კუდიც კი ჰქონდა), ამ პერიოდიდან ყველაფერი იცვლება. ტორსი უფრო სწორი ხდება, თავი ზემოთ იწევა, ხდება სახის ფორმირება - ჩნდება ცხვირის წვერი, იხატება ნესტო, წარმოიქმნება პირი, რომელშიც ენაა მოთავსებული. ვითარდება კიდურებიც: უკვე ჩამოყალიბებულია მხრები, იდაყვები, თითები (თუმცა ისინი ჯერ კიდევ აპკით არის დაკავშირებული), მუხლები, პაწაწინა ხელები მუცელზეა მიბჯენილი, ხოლო ფეხები მოხრილია. ჩამოყალიბებულია ყველა შინაგანი ორგანო, თუმცა ისინი ჯერ კიდევ ჩანასახოვან მდგომარეობაშია. პატარა ძალიან მოძრავი ხდება, მაგრამ ამას დედა ჯერ ვერ ამჩნევს - ბავშვი ხომ ძალიან პატარაა, ამიტომ საშვილოსნოს ღრუში მას საკმაო სივრცე აქვს. ამ ორი თვის განმავლობაში დედამ და შვილმა ძალიან გრძელი გზა გაიარეს - პატარა უჯრედიდან ნამცეცა ადამიანამდე. რა თქმა უნდა, ორგანოთა სრულყოფა უნდა გაგრძელდეს. სწორედ ამის გამოა მეტად მნიშვნელოვანი ახალი სიცოცხლის განვითარების პირველი კვირები. ამ პერიოდში პატარა ძალიან მგრძნობიარეა გარემო ფაქტორების ნებისმიერი ზემოქმედების (ინფექცია, პროფესიული მავნე ფაქტორები, გამოსხივება, ალკოჰოლი, თამბაქო) მიმართ.

საშვილოსნოსგარე ორსულობა

რისი ბრალია საშვილოსნოსგარე ორსულობა?

- მოგეხსენებათ, კვერცხუჯრედი და სპერმატოზოიდები ერთმანეთს საკვერცხესთან ხვდებიან, რის შემდეგაც განაყოფიერებული კვერცხუჯრედი კვერცხსავალი მილის გავლით საშვილოსნოს ღრუში გადაინაცვლებს და მის ლორწოვან გარსში ჩაიზრდება. ასე იწყება ნორმალური ორსულობა.

საშვილოსნოსგარე ანუ ექტოპიური ორსულობა ისეთი ორსულობაა, რომლის დროსაც განაყოფიერებული კვერცხუჯრედი საშვილოსნოს ღრუს გარეთ ჩაინერგება და იქვე იწყებს განვითარებას. ლოკალიზაციის მიხედვით განასხვავებენ კვერცხსავალი მილის, საკვერცხის, საშვილოსნოს ყელის, მუცლის ღრუს ორსულობას. მუცლის ღრუში გამოტყორცნილი განაყოფიერებული კვერცხუჯრედი შესაძლოა საკვერ-ცხეში, პერიტონეუმში, ნაწლავში ჩაიზარდოს. ყველაზე ხშირია კვერცხსავალი მილების ორსულობა. მის წილად მოდის გარეორსულობათა 98%. განაყოფიერებული კვერცხუჯრედი შეიძლება ჩაინერგოს კვერ-ცხსავალი მილის ამპულარულ, ისთმურ, ფიმბრიალურ ნაწილში. ამპულა კვერცხსავალი მილის ყველაზე განიერი ნაწილია. საშვილოსნოსგარე ორსულობა ათიდან რვა შემთხვევაში სწორედ კვერცხსავალი მილის ამპულარულ ნაწილში ვითარდება. ამ დროს სანაყოფე კვერცხი შესაძლოა საკმაოდ დიდი ზომისაც გახდეს.
ისთმური ნაწილი კვერცხსავალი მილის ყველაზე ვიწრო ნაწილია. ასეთი ლოკალიზაციის ორსულობა გაცილებით ადრეულ ვადაზე წყდება.

პათოლოგიური მშობიარობა

როგორ მოვუაროთ ორსულს?

როგორ მოვუაროთ ორსულს, რომ მშობიარობამ გართულებების გარეშე ჩაიაროს? ამ საკითხზე სასაუბროდ მოიწვიეს თბილისის #2 სამშობიარო სახლის გენერალურ დირექტორი, მედიცინის მეცნიერებათა დოქტორი, პროფესორ გიორგი თევდორაშვილი:
- ბატონო გიორგი, როგორც სტატისტიკა გვიჩვენებს, ასიდან დაახლოებით 15 შემთხვევაში მშობიარობა გართულებებით მიმდინარეობს. როდის შეიძლება, მშობიარობა პათოლოგიურად ჩაითვალოს?

- პათოლოგიურია მშობიარობა, რომელიც სხვადასხვა გართულებით მიმდინარეობს. გართულების მიზეზი შეიძლება იყოს მდგომარეობა, რომელიც ჯერ კიდევ ორსულობისას გამოვლინდა, მაგალითად, ორსულის შინაგან ორგანოთა ესა თუ ის დაავადება (გულის მანკი, შაქრიანი დიაბეტი, ჰიპერტონიული დაავადება, ფილტვების, შარდ-სასქესო ორგანოთა ქრონიკული სნეულებები, ლეიკოზი, ტუბერკულოზი და ა.შ.), ვიწრო მენჯი, ნაყოფის არასწორი მდებარეობა, პრეეკლამფსია, ეკლამფსია, სასქესო ორგანოების განვითარების ანომალიები და სხვა. ასეთ შემთხვევაში ორსული სამშობიარო სახლში მშობიარობის დაწყებამდე უნდა გადავიყვანოთ, რათა ის მეანის მეთვალყურეობის ქვეშ იყოს.

მრავალნაყოფიანი ორსულობა

ორსულობა რომ მეტად საპასუხისმგებლო მდგომარეობაა, ამაზე არავინ დავობს, მაგრამ გაცილებით უფრო რთული და საპასუხისმგებლოა მრავალნაყოფიანი ორსულობა.
იმის გამო, რომ მრავალნაყოფიანი ორსულობისას გართულებები გაცილებით ხშირია, ვიდრე ერთნაყოფიანი ორსულობის დროს, მრავალნაყოფიან ორსულობას ფიზიოლოგიურ და პათოლოგიურ მდგომარეობებს შორის მოსაზღვრედ მიიჩნევენ, თუმცა არიან ისეთი ავტორებიც, რომლებიც მას პათოლოგიურ ორსულობათა რიცხვს მიაკუთვნებენ.
მრავალნაყოფიანი ორსულობა დედის ორგანიზმისთვის დიდი დატვირთვაა: ჩვეულებრივზე გაცილებით ინტენსიურად მუშაობს ორსულის გულ-სისხლძარღვთა სისტემა, ფილტვები, კუჭ-ნაწლავი, ღვიძლი, თირკმელები, შარდის ბუშტი და სხვა ორგანოები, ამიტომ მრავალნაყოფიან ორსულობას ხშირად გართულებები სდევს თან.

კვების რეჟიმი ორსულობისა და ლოგინობის პერიოდში

კვების რეჟიმი ორსულობისა და ლოგინობის პერიოდში ყველაფერს, რაც ზრდისთვის სჭირდება, ნაყოფი დედის სისხლიდან იღებს. მაშასადამე, ორსულობისას კვებას განსაკუთრებული ყურადღება უნდა მიექცეს. თუმცა ეს იმას არ ნიშნავს, რომ ორჯერ მეტი საკვები უნდა მივირთვათ. პრინციპი "ორჯერ მეტი" მხოლოდ საკვების ხარისხს ეხება.

- ზოგიერთი ქალი, როდესაც შეიტყობს, რომ დედა უნდა გახდეს, ფრთხება, რადგან არ იცის, როგორ მოიქცეს - შეიცვალოს თუ არა რაციონი, გაზარდოს თუ შეამციროს საკვების ოდენობა.
- ბალანსირებული კვება ყველასთვის სასარგებლოა, ამიტომ თუ ქალი მთელი სიცოცხლე ჯანსაღად იკვებებოდა, დაორსულებისას კვების რეჟიმში მხოლოდ უმნიშვნელო ცვლილებების შეტანა მოუწევს.
კვების რეჟიმი უნდა შეირჩეს ისე, რომ ორსული არ გადაიტვირთოს ზედმეტი საკვებით და ნაწლავებმაც ნორმალურად იმოქმედოს. ამისთვის აუცილებელია კვება მცირე ულუფებით, დღეში 4-5-ჯერ, რეგულარულად, ჭამიდან ჭამამდე 4-5-საათიანი ინტერვალის დაცვით. ორსული უნდა ერიდოს დიდი ოდენობით საკვების ერთბაშად მიღებას, მით უმეტეს, გვიან საღამოს ან ღამით.

საშვილოსნოს ჰიპერტონუსი

საშვილოსნოს ჰიპერტონუსი ანუ საშვილოსნოს ტონუსის მომატება ნიშნავს ამ ორგანოს ნაადრევ შეკუმშვებს, რომლებიც იწყება მშობიარობის მოსალოდნელ ვადაზე გაცილებით ადრე, ორსულობის ადრეულ პერიოდში. საშვილოსნოს ჰიპერტონუსი დამოუკიდებელი დაავადება არ არის. ის მიუთითებს ქალის ორგანიზმში არსებულ პათოლოგიურ მდგომარეობაზე, რომლის იგნორირება არ შეიძლება, რადგან რეალურ საფრთხეს უქადის ორსულობის შეწყვეტას.

რა იწვევს ჰიპერტონუსს
საშვილოსნოს ჰიპერტონუსი შესაძლოა გამოწვეული იყოს:

ორსულობის ტესტები

მსოფლიოს მაშტაბით უკვე დიდი ხანია გავრცელებულია სხვადასხვა სახის ტესტები და გამომთვლელი საშუალებები, რომელიც უამრავ ადამიანს უადვილებს სხვადასხვა ინფორმაციის მიღებას. ამ ტესტებს შორის არის ისეთებიც როგორიცაა: ორსულობის დამდგენი ტესტები, ოვულაციის მაჩვენებლები, ბაზალური ტემპერატურის მაჩვენებლები და სხვა მრავალი.

ამ ტესტების ძირითადი უპირატესობა იმაში მდგომარეობს რომ ქალს შეუძლია სახლშივე, ექიმთან მიუსვლელად გაიგოს მისთვის მნიშვნელოვანი და საჩქარო ინფორმაცია.

ორსულობის მაჩვენებელი ტესტები სხვადასხვაგვარია, ზოგს ციფრული ეკრანი აქვს, რომელიც პირდაპირ გვაჩვენებს პასუხს (კი ან არა), ზოგზე კი დატანებულია რამოდენიმე მგრძნობიარე ზოლი, რომელიც შარდთან შეხებისას რეაგირებს და ფერს იცვლის,
რა თქმა უნდა 100% გარანტიაზე საუბარი ზედმეტია, თუმც ამ ტესტების სიზუსტე უკვე წლობით მტკიცდება, და რეალურად ძალიან დიდ პროცენტს შეადგენს.

1-10 11-20 21-30 31-40 41-50 51-60 ... 91-100 101-104