მთავარი » ფაილები

სულ კატალოგში მასალაა: 104
ნაჩვენებია მასალა: 81-90
გვერდები: « 1 2 ... 7 8 9 10 11 »

ადრე თუ გვიან ყველა ქალს უჩნდება ეჭვი, რომ ფეხმძიმედაა. ამის საფუძველს მას აძლევს რიგი სიმპტომებისა, მაგ. მენსტრუაციული ციკლის შეწყვეტა (თუმცა ეს შეიძლება რაიმე პათოლოგიის შედეგიც იყოს), მკერდის გამაგრება და გადიდება, ხანდახან მცირე ტკივილებით. დილდილაობით შეიძლება აღენიშნოს გულისრევა ანდა სულაც ღებინება. ამ მდგომარეობამ შეიძლება გავლენა არ იქონიოს ქალის მადაზე. ზოგი მათგანი ამ პერიოდში წონას კარგავს და ხდება, ზოგი კი პირიქით- იმატებს. ზოგადად, მიმდინარეობს გარკვეული ფსიქოლოგიური ცვლილებებიც. ორსული გაღიზიანებადი, აღგზნებული და ჭირვეული ხდება. ზოგიერთს აღენიშნება ზიზღი სუნებისადმი, მიდრეკილი ხდება ძილისაკენ და ხშირად მოთენთილია. აი, ძირითადად, ის სიმპტომები, რაც ზოგადად ახასიათებს ორსულობას.

ღებინება, თავის და მკერდის ტკივილების დაწყება ფეხმძიმობის ძირითადი სიმპტომებია და დაახლოებით 6 კვირის თავზე იჩენს თავს. მათ შეუძლიათ დღის ნებისმიერ დროს შეგაწუხონ, მაგრამ კვლევების და გამოკითხვების მიხედვით ყველა ეს უსიამოვნო შეგრძნება 12 კვირაზე წყდება.
დილით გულის რევის შეგრძნება:
ფეხმძიმე ქალთა უმეტესობას გამოცდილი აქვს გულის რევის შეგრძნება. ხშირად მაგრამ არა ყოველთვის გულის რევის შეგრძნებას თან ახლავს იძულებითი ღებინება, ამის მიზეზია თქვენს ორგანიზმში მომატებული ჰორმონები. ბევრი ექიმი თვლის რომ ამ დროს პლაცენტა კარგად ვითარდება.
რამდენიმე რჩევა უსიამოვნო შეგრძნებების თავიდან ასაცილებლად.


ორსულობის სიმპტომები | Просмотров: 3192 | Загрузок: 0 | Добавил: baby | Дата: 04.06.2008 | Комментарии (0)

ფეხმძიმობა რთული ფიზიოლოგიური პროცესია, რომელსაც შესაძლებელია თანსდევდეს სხვადასხვა სახის გართულებები. მათ შორის ისეთიც როგორიცაა საშვილოსნოს სისხლდენა თუ ვაგინალური სისხლდენა. როგორც წესი ამ თვალსაზრისით ყველაზე საშიშ პერიოდად ითვლება ფეხმძიმობის პირველი და ბოლო ტრიმესტრი, უფრო ზუსტად კი სულ პირველი და სუ ბოლო კვირები.
უცნაურია, თუმცა ფეხმძიმობის დასაწყისში ყველა სახის სისხლდენა პათოლოგიად არ მიიჩნევა.
მეტიც შეიძლება ითქვას, რომ ამ პერიოდში მცირეოდენი სისხლიანი გამონადენი ჩვეულებრივ სიმპტომადაც ითვლება, და იგი არ შეიძლება გახდეს ფეხმძიმობის ნორმალურად განვითარების ხელშემშლელი მიზეზი.
ფეხმძიმობის საწყის ეტაპზე (პირველი კივირები) ქალის ორგანიზმი განიცდის გლობალურ ცვლილებებს, როგორც ჰორმონალურ ასევე ფიზიოლოგიურსაც.

რა შეიძლება იყოს სისხლდენის მიზეზი?
პირველ რიგში, საშვილოსნოს კედელზე ჩანასახის მიმაგრებისას მისი ლორწოვანი ნაწილაკების ჩამოშორება, იწვევს მცირეოდენ სისხლიან გამონადენს. მათ შეიძლება მოყავისფრო, მოვარდისფრო ან სისხლისფერი შეფერილობა ჰქონდეთ. ასეთი სახის გამონადენი ხშირად რამოდენიმე დღე გრძელდება და იგი მცირე რაოდენობით გამოირჩევა. მათ შესაძლებელია ახლდეთ სპაზმებიც და ასევე შესაძლებელია სრულებით უმტკივნეულო და შეუმჩნეველნიც დარჩნენ.
ამგვარი სიმპტომები ხშირად გვიდასტურებს ეჭვს ფეხმძიმობის შესახებ. ყველაზე ხშირად ასეთი გამონადენი დროის მხრივ ემთხვევა მენსტრუაციის დადგომის პერიოდს. რასაც მივყავართ იმ დასკვნამდე, რომ ფეხმძიმობის საწყის ეტაპზე მენსტრუაციული ციკლი ყველა ქალს არ უწყდება.

იმის შემდეგ რაც ფეხმძიმობა დადგენილია, ყველა სახის გამონადენი შეიძლება საშიში იყოს, შესაბამისად გამონადენის არსებობის შემთხვევაში ორსული ვალდებულია დაუყოვნებლივ ეჩვენოს მკურნალ ექიმს, რაც საშუალებას მისცემს ექიმებს საწყის ეტაპზევე აღმოფხვრან ყველა პრობლემა თუ გართულება.


სისხლდენა ფეხმძიმობისას | Просмотров: 2249 | Загрузок: 0 | Добавил: baby | Дата: 04.06.2008 | Комментарии (2)

რაკი ქალის ბიოლოგიური როლი და დანიშნულება ახალი სიცოცხლის დაბადებაა, ამიტომ ორსულობა ერთერთი მთავარი და მნიშვნელოვანი პერიოდია მის ცხოვრებაში. ორსულობისას ქალის ორგანიზმში მიმდინარეობს ისეთი ცვლილებები, რომელსაც შეიძლება საოცარი ვუწოდოთ. წარმოიდგინეთ. რომ თვალით უხილავი ერთი კვერცხუჯრედი, განაყოფიერების შემდეგ, ცხრა თვის (ანუ 40 კვირის) გრმავლობაში ყალიბდება ახალ ცოცხალ არსებად, რომელიც, სულ ცოტა - 3 კილოგრამს იწონის.
განვითარების პროცესში ნაყოფზე გარედან ზეგავლენა მინიმალურია. ამ დროს დედის ორგანიზმი ერთგვარი ინკუბატორის როლს ასრულებს. ნაყოფი იზრდება და ვითარდება საშვილოსნოში, ცურავს სანაყოფო სითხეში და ძალზე კარგად არის დაცული მავნე ზეგავლენისაგან. დედა და ბავშვი ერთმანეთთან დაკავშირებულია მხოლოდ ჭიპლრით, რომლითაც დედა აწვდის ბავშვს ჟანგბადს და საკვებ ნივთიერებებს, გადააქვს შლაკები. ხშირად, როცა ქალს არ უნდა, რომ წონაში მოიმატოს - ორსულობისას ცოტას ჭამს, რაც მუცლის მოშლას იწვევს. თუ ბავშვი მაინც ცოცხალი დაიბადა, მცირე წონისაა, ადვილად ხდება ავად. არც ზედმეტი საკვების მიღებაა სასურველი.. იწყება დედის ორგანიზმის გაცხიმოვნება, რაც მძიმე მშობიარობის მიზეზი შეიძლება გახდეს. ხშირად ბავშვიც დიდი წონის იბადება. ამ დროს დედას ემართებასამშობიარო გზების დაზიანება. ორსულობის დროს კვება უნდა იყოს რაციონალური. ეს ნიშნავს ქალმა უნდა მიიღოს ისეთი და იმ რაოდენობის საკვები, რომ ოპტიმალური პირობები შეუქმნას საკუთარ თავს და ნაყოფს.


კვების ზოგადი ნორმები | Просмотров: 1529 | Загрузок: 0 | Добавил: baby | Дата: 04.06.2008 | Комментарии (1)

ორსულობა არ არის ავადმყოფობა, მაგრამ ორმაგი პასუხისმგებლობაა. ახლა თქვენ ახალი წესებით უნდა იცხოვროთ, რომელსაც ახლანდელი მდგომარეობა გიყენებთ, უფრო მეტი წინდახედულობა და სიფრთხილე გმართებს.

ერიდეთ ალკოჰოლს, სიგარეტს, დატვირთვას, ანტიბიოტიკების მიღებას, გაციებას.

ორსულობის პერიოდში სისხლდენა, მენსტრუაციული ციკლის მაგივრად, საშიშია, და ექიმის მეთვალყურეობას საჭიროებს.

ულტრაბგერითი დასხივება უვნებელია. მე 6 კვირისთვის ნაყოფის გულისცემა გარკვევით უნდა ისმოდეს.

ორსულობის საწყის ეტაპზე ულტრაბგერითი გამოკვლევა აუცილებელია, რათა დავრწმუნდეთ ორსულობის ნორმის ფარგლებში მიმდინარეობაში.

კვირების დათვლა იწება თქვენი ბოლო მენსტრუაციული ციკლის პირველი დღიდან, რადგან განაყოფიერების ზუსტი დღის დადგენა შეუძლებელია.

საუკეთესო ვარიანტია 4 კვირაში ერთხელ გავიკეთოთ ანალიზები (ექიმის რჩევის შემთხვევაში მისი დარიგებისამებრ).

სექსუალური ურთიერთობებისგან თავის შეკავება აუცილებელია, თუ ნაყოფის მოშლის საშიშროება არსებობს ან თუ პირველი ნაყოფი მოგეშალათ.

მიიღეთ ვიტამინებით სავსე საკვები. (ექიმის რჩევის მიხედვით).

გაესინჯეთ იოდის ნაკლებობა მეტობაზე, ფოლიუმის მჟავის მიღება სასურველია 12 კვირამდე დღეში 3/4 ჯერ.

შეარჩიეთ საკვები ისე, რომ თავიდან აიცილოთ გასტრიტი.

თვითმფრინავით ფრენა საშიშია ორსულთათვის ყველა სტადიაში, ექიმის რჩევის გარეშე.


Но-шпа უვნებელია. მისი მიღება თავისუფლად შეიძლება ორსულობისას.

ანალიზების აღება აუცილებელია არა საერთო ჩათვლისთვის არამედ ორსულობის მიმდინარეობისას დარღვევების დროულად აღმოსაჩენად და სამკურნალოდ.


ორსულობა | Просмотров: 1383 | Загрузок: 0 | Добавил: baby | Дата: 04.06.2008 | Комментарии (0)

მოვიმზადოთ ყველაფერი წინასწარ

უპირველეს ყოვლისა ამ დროს უკვე გადაჭრით უნდა იცოდეთ რომელ სამშობიაროში აპირებთ მშობიარობას. გააფრთხილეთ თქვენი ექიმი, საჭიროების შემთხვევაში კიდევ ერთხელ აიღეთ საბოლოო ანალიზები.
მოიძიეთ ლიტერატურე პატარის მოვლის შესახებ და თავლსუფალ დროს იკითხეთ. ჩაილაგეთ ყველა საჭირო ნივთი და გაამზადეთ ყველა წვრილმანი, რადგან არავინ იცის ზუსტად რომელ წუთში დაგეწყებათ მშობიარობა, თუმცა ექიმი სავარაუდო თარიღს გისახელებთ, მაინც ჯობია მზად იყოთ წინასწარვე.

  • 1 ჩანთაში ჩაალაგეთ თქვენი ნივთები, რაც სავარაუდოთ დაგჭირდებათ სამშობიარო სახლში.

  • მე-2 ჩანთაში გაანაწილეთ თქვენი პატარისთვის საჭირო ნივთები.

  • მე-3 ჩანთაში ჩაალაგეთ ნივთები თქვენი გამოწერის დღისთვის, რომელთაც ოჯახისწევრები მოგიტანენ გამოწერის დღეს. (როგორც წესი ეს ნივთებია: კომბინიზონი პატარისთვის, მაისური, საფენები, თხელი ან თბილი ქუდი და თბილი კონვერტი პატარის გასახვევად.)



შობადობის რეგულირება | Просмотров: 1969 | Загрузок: 0 | Добавил: baby | Дата: 04.06.2008 | Комментарии (0)

მნიშვნელოვანი საშენი მასალა თქვენი ბავშვისათვის

  • A ვიტამინი ემსახურება უჯრედების ზრდას, სუნთქვის ორგანოებისა და კანის წარმოქმნასა და დაცვას, ინფექციებისაგან თავდაცვას სტაფილო, პომიდორი, ბულგარული წიწაკა, ფოთლოვანი ბოსტნეული, სალათი, გარგარი, რძის პროდუქტები

  • B1, B2, B6, B12 ვიტამინები ემსახურება რკინის შეთვისების გაუმჯობესებას და სისხლის წარმოქმნას რძე, რძის პროდუქტები, კვერცხი, ხორცი, თევზი, კაკალი, მზესუმზირა, ბანანი, ბოსტნეული (ნედლი), დაუფქვავი ხორბლის პროდუქტები (ჰერკულესი, მიუსლი), სოიოს პროდუქტები

  • ფოლიუმის მჟავა მნიშვნელოვანია ორსულობის ადრეული პერიოდისათვის, იცავს განვითარების დეფექტებისაგან ხერხემლის და ცენტრალური ნერვული სისტემის მიდამოებში რძე, რძის პროდუქტები, კვერცხი, წითელი ჭარხალი, ფოთლოვანი ბოსტნეული, სალათი, სოკო, სატაცური, ოსპი, ფორთოხალი, ღვიძლი, დაუფქვავი ხორბლის პროდუქტები, კაკალი

  • C ვიტამინი ემსახურება რკინის შეთვისების გაუმჯობესებას და ინფექციებისაგან დაცვას ციტრუსები, შავი მოცხარი, ბულგარული წიწაკა, პომიდორი, კარტოფილი, კომბოსტო

  • D ვიტამინი ემსახურება კალციუმის შეთვისებას და ძვლების შენებას რძე, რძის პროდუქტები, კვერცხი, ცხიმიანი თევზი


ვიტამინები | Просмотров: 2425 | Загрузок: 0 | Добавил: baby | Дата: 04.06.2008 | Комментарии (0)

არის თუ არა შესაძლებელი თავიდან ავიცილოთ მშობიარობის ტკივილები, ანუ რამდენად რეალურია უმტკივნეულო მშობიარობა?
რეალურად ქალთა უმრავლესობას მშობიარობის პროცესის შესახებ ადრეული პერიოდებიდანვე ესმით ერთი და იგივე უარყოფითი მუხტის ინფორმაცია, მშობიარობისას აუტანელი ტკივილების შესახებ. ამ ინფორმაციას ისინი იღებენ მარავალი საშუალებით რაც თავიდანვე თრგუნავს იმ დადებით ემოციას, რომელიც მშობიარობის პროცესს უნდა ახლდეს თან. ორსულის განწყობა ხშირ შემთხვევაში გადამწყვეტ როლს ასრულებს მშობიარობის მსვლელობისას. ზედმეტი პანიკა და შიში ართულებს პროცესს და მას მეტად მტკივნეულსა და ხანგრძლივს ხდის.
სად არის გამოსავალი?
მშობიარობის ტკივილის შემსუბუქების მრავალი მათოდი გვსმენია. ზოგი მათგანი სამედიცინო ლიტერატურაშიც ამოიკითხება, ზოგი კი ხალხური მედიცინიდან გაგვიგია.
ერთერთ საუკეთესო საშუალებად მიიჩნევა სწორი სუნთქვა მშობიარობისას, და თვლა შეტევასა და შეტევას შორის.
მობილიზება და დაძაბულობისაგან სრული განთავისუფლება დაგეხმარებათ ექიმის ყველა მოწოდების დროულ შესრულებაში რაც მშობიარობის ხანგრძლივობას შეამცირებს.
ყელის სწრაფი და შედარებით უმტკივნეულოდ გახსნისთვის მშობიარეებს ურჩევენ შოკოლადის მიღებასაც.
ასევე ხალხური მედიცინის ცნობებით ტკივილის შემსუბუქებაში და ყელის სწრაფად გახსნაში მშობიარეებს დიდად ეხმარებათ ზაფრანის ნაყენი, რომელთა მიღება
36-37 კვირებიდან ხდება.
ასევე თანამედროვე მსოფლიოში უკვე დიდი ხანია გამოიყენება მრავალი სახის ხელოვნური გაუმტკივარების საშუალებები:
ეპიდურალური, ინჰალაციური, ანალგეტიკური და საკეისრო კვეთა რაც თავისთავად ნარკოზის ან წელსქვევით ანესთეზიის გამოყენებით ხდება. მსოფლიო მედიცინის განვითარების პარალელურად დღესდღეობით საქართველოშიც უკვე მშობიარეთა დიდი ნაწილი იყენებს ამგვარ გაუმტკივარების მეთოდებს ექიმთან წინასწარ შეთანხმების საფუძველზე. მრავალი მათგანისთვის ეს მეთოდი მეორე, მესამე და მეტი შვილის გაჩენის სურვილს ამძაფრებს, რაც რათქმა უნდა ძალიან ხელსაყრელია საქართველოს დემოგრაფიისთვის.






უმტკივნეულო მშობიარობა | Просмотров: 2209 | Загрузок: 0 | Добавил: baby | Дата: 04.06.2008 | Комментарии (1)

სექსი ორსულობისას

ძალიან ბევრ ქალს აწუხებს კითხვა - არის თუ არა უსაფრთხო ფეხმძიმობის დროს სექსი მათთვის და მათი ნაყოფისთვის? საბედნიეროდ ბევრი ქალისთვის სექსუალური კავშირი ფეხმძიმობის პერიოდში აბსოლიტურად უსაფრთხოა, ისინი უბრალოდ მეტი სიფრთხილით და გააზრებით ეკიდებიან სექსს. თუმცა დროთა განმავლობაში, ნაყოფის ზრდასთან ერთად სექსი შეიძლება გახდეს არასასიამოვნო და არაკომფორტულიც კი.


მეორესმხრივ ფეხმძიმობისას სექსუალური ურთიერთობის გაგრძელებამ შეიძლება სარისკო სიტუაციაში ჩააგდოს თქვენი ნაყოფის განვითარება და საფრთხის წინაშე დააყენოს თქვენი ფეხმძიმობაც. ყველა შემთხვევაში უპრიანია დაეკითხოთ თქვენს პირად ექიმს სანამ გადაწყვიტავთ სექსუალურ ურთიერთობის შენარჩუნებას მიუხედავად იმისა რომ თქვენთვის სექსი შეიძლება უსაფრთხოც იყოს არ არის გამორიცხული, რომ სექსუალური კავშირის დამყარების სურვილი თვითონვე გაგიქრეთ არა იმიტომ რომ თქვენ საგრძნობლად მოიმატეთ წონაში, არამედ იმიტომ რომ თქვენი ფიქრები ახლა სრულიად აქვს დათმობილი თქვენი პატარის ამ ქვეყნად მოვლინებას და მშობლად გახდომის მოლოდინის მღელვარებას.

როდის ხდება სექსი საშიში?

წარუმატებელი ფეხმძიმობის არსებობის შემთხვევაში.
სისხლდენის ან მოშლის საშიშროების შემთხვევაში.
ნაყოფის შენარჩუნებისთვის მკურნალობის შემთხვევაში.
როდესაც არსებობს რისკი თქვენი პარტნიორის ინფიცირებულობისა (ჰერპესი, ქლამიდია . . . ).
წინა ორსულობისას ნაადრევი მშობიარობის შემთხვევაში.
ორსულობა ტყუპზე.






სექსი ორსულობისას | Просмотров: 2451 | Загрузок: 0 | Добавил: baby | Дата: 04.06.2008 | Комментарии (3)

ტერმინი ოვულაცია ლათინური შესატყვისი ოვუმ (კვერცხი)-დან მოდის. ოვულაცია ეს არის ჯანმრთელი, განაყოფიერებისთვის მზა კვერცხუჯრედის საკვერცხის ფოლიკულიდან მუცლის ღრუში გადასვლის პროცესი. ფიზიოლოგიურად ეს არის მენსტრუალური ციკლის ერთ-ერთი ეტაპი. ჩამოყალიბებულ ქალებს ოვულაცია აქვთ ყოველ 21-35 დღეში. კლასიკურად მიღებულია ოვულაციის 28 დღიანი ციკლი.

ოვულაციის პერიოდულობა რეგულირდება ნეიროგუმორალური მექანიზმებით. ჰიპოფიზის წინამხრის გონადოტროპიული და საკვერცხის ფოლიკულარული ჰორმონებით. ოვულაციას ხელს უწყობს ფოლიკულარული სითხის დაგროვება და საკვერცხის საწყისი ქსოვილი, რომელიც ფოლიკულის პოლუსზე მდებარეობს. ქალისთვის მუდმივი ოვულაციური რიტმი იცვლება აბორტის შემდგომ 3 თვის განმავლობაში, წლის განმავლობაში – მშობიარობის შემდეგ, ასევე ქალის 40 წლის ასაკის მიღწევის შემდეგაც, როცა მისი ორგანიზმი ემზადება წინაკლიმაქსური პერიოდისთვის. ფიზიოლოგიურად ოვულაცია წყდება ორსულობის დადგომასთან ერთად და ასევე მენსტრუალური ფუნქციის მოშლის შემდეგ. ქალის ოვულაციის ფუნქციონირებას ძალიან დიდი მნიშვნელობა აქვს, როგორც ბუნებრივი ასევე ხოლოვნური და ექსტრაკორპორალური განაყოფიერებისათვის.

რა შეგრძნებებით გამოიკვეთება ოვულაცია? ეს შეიძლება იყოს ტკივილი ქვედა მუცლის ასეში, “გამსკდარი ბუშტის” შეგრძნება ციკლის შუალედურ პერიოდში. ზოგ ქალს აღენიშნება გაძლიერებული სქესობრივი ლტოლვა.


ოვულაციის მეთოდები | Просмотров: 42145 | Загрузок: 0 | Добавил: baby | Дата: 04.06.2008 | Комментарии (20)

როგორ გავხდეთ ფერტიულური (ნაყოფიერი) : 10 რჩევა


1. იყავით მომთმენი, თუ თქვენი აქტიური სექსუალური ცხოვრება 1 წელზე ნაკლები პერიოდია რაც გრძელდება, არ არის აუცილებელი გინეკოლოგთან გაქცევა და თქვენი უშვილობის პრობლემებზე ჩივილი.

2. დაკავდით სექსუალური ურთიერთობით ხშირად. რეგულარული ურთიერთობა ზრდის ორსულობის შანსს.

3. შეეშვით დიეტებსა და დაბალკალორიული საკვების მიღებას, რადგან წონაში კლება და შიმშილი ცუდად აისახება თქვენს ნაყოფიერებაზე. თუ მაინც და მაინც გადაწყვიტავთ გახდომას მოაგვარეთ ეგ პრობლემა დაორსულების ცდებამდე.

4. ნორმირებული კვება ზრდის ფერტილობის დონეს. არ არის სასურველი ფეხზემდგომელა სწრაფი კვება ასევე დიდი რაოდენობით ტკბილეულის მიღება. შაქრის მომატებული რაოდენობა იწვევს ადრენალინის გამოყოფის გაძლიერებას, რომელიც თავისთავად ესხმის პროგესტერონს. ზუსტად პროგესტერონე ამზადებს ქალის ორგანისმს ჩასახვისთვის.

5. თქვენი მეუღლე მოარიდეთ ზედმეტ სითბოს. ზაფხულის განმავლობაში ეცადეთ ჩააცვათ თავისუფალი გრილი ქსოვილის შარვალი, რადგან მჭიდრო და სქელი ქსოვილისგან შესაძლებელია მოხდეს სასქესო ორგანოების მიდამოებში სიცხისგან ჩახურება, რაც ცუდად აისახება სპერმატოზოიდებზე და მათ უნარიანობაზე.

6. აირჩიეთ დაორსულებისთვის ხელსაყრელი პერიოდი, მაგალითად გაზაფხულის დასაწყისი ან შემოდგომის ბოლო. ამ დროს ყველაზე პროდუქტიულია ცდები. ხოლო მაქსიმალურ აქტივობას სპერმატოზოიდები აღწევენ ზაფხულის მიწურულს და შემოდგომის დასაწყისში. თუმცა თუ გავიხსენებთ სიგრილის ფაქტორს ჩამოთვლილთაგან შემოდგომის ბოლო ყველაზე ხელსაყრელია.

7. ნუ მიიღებთ გამაყუჩებლებს სავარაუდო ოვულაციის პერიოდში. მაგალითად ანალგინს.

8. შეწყვიტეთ მოწევა, რადგან იგი სერიოზულად უშლის ხელს დაფეხმძიმებას. მწეველი ქალის ფერტილობის კოეფიციენტი 30 % ით ნაკლებია ვიდრე არამწევლის. და თუ მეუღლეც მწეველია მაშIნ ეს რიცხვი შესამჩნევლად იზრდება.

9. შეზღუდეთ ალკოჰოლის მიღება. იგი სერიოზულად მოქმედებს ემბრიონის ნორმალურ განვითარებაზე.

10. ასევე არ არის სასურველი ყავის და მუქი ჩაის მიღება, ისინიც ასევე ხელისშემშლელ ფაქტორებად ითვლება.


ფერტილობის 10 რჩევა | Просмотров: 1812 | Загрузок: 0 | Добавил: baby | Дата: 04.06.2008 | Комментарии (3)