ექიმი ორსულობა წამალი. სექსი პორნო, +18 ეროტიკა NO ! - პედიატრია, ალერგოლოგია დიეტოლოგია კანი, კუნთები, ძვლები

სულ კატალოგში მასალაა: 104
ნაჩვენებია მასალა: 61-70

გვერდები: « 1 2 ... 5 6 7 8 9 10 11 »

ხშირ შემთხვევაში სტრიები უჩნდებათ იმ ქალებს, ვისაც აღენიშნებათ ჰორმონალურ დარღვევები, ან ქალებს, რომლებიც ორსულობამდე იცავდნენ მკაცრ დიეტებს, მერე კი გააგრძელეს ნორმალური კვება.
მომავალი დედის რაციონში აუცილებლად უნდა შედიოდეს ცილების საკმარისი რაოდენობა და ასევე ომეგა-3 ცხიმოვანი მჟავები, რომლებსაც შეიცავს ზღვის თევზი, სოიოს და მზესუმზირის ზეთი.
მაღაზიებში სტრიების საწინააღმდეგო სპეციალური საშუალებების არჩევის დროს მიანიჭეთ უპირატესობა იმათ, რომლებიც შეიცავენ ელასტინს.
არ დაგავიწყდეთ მასაჟი. მასაჟის ჩატარება კარგია ზეითუნის ზეთის დახმარებით. მუცლის მასაჟის დროს მოძრაობები უნდა იყოს ჭიპის მიმართულებით, მკერდის მასაჟისას კი – დვრილის მიმართულებით.
აგრეთვე აუცილებელია ბიოფლავონოიდები და თუთია, ვიტამინები E, C. მაგრამ ვიტამინების კოპლექსები მიიღეთ მხოლოდ ექიმთან კონსულტაციის შემდეგ.
თუ სტრიები უკვე გაჩნდა, აბსოლუტურად უსაფრთხო საშუალება არის წყალბადის ზეჟანგი (პერეკისი), რომელიც შეგიძლიათ წაისვათ იმ ადგილებში, სადაც სტრიები უკვე მკვეთრად ჩანან. კანი საკმაოდ მალე მიიღებს ნორმალურ ფერს, სტრიები კი თითქმის გაქრებიან. პროცედურა საკმარისია ჩაიტაროთ დღეში ერთხელ.

დიაფრაგმული სუნთქვა

მომავალი დედები, რომლებს არ აქვთ სათანადო გამოცდილება, შიშით ადევნებენ თვალყურს თავის შეგრძნებებს.

როგორც წესი, ორსულობის 30-ე კვირიდან ორსულს ეწყება ბრექსტონ–ხიკსის კონტრაქციები („სხვატკები“) და სამშობიარო კონტრაქციებისგან განსხვავდებიან იმით, რომ არიან იშვიათი და არარეგულარული. შეკუმშვები გრძელდება 5–10 წამი. მკურნალობას არ საჭიროებს, მაგრამ მდგომარეობის დაძლევაში დაგეხმარებათ:

• თბილი აბაზანა (36–37 გრადუსი) ზღვის მარილით ან კატაბალახას ნაყენით.

• დიაფრაგმული სუნთქვა.

• 32-34 კვირიდან ორსულს უჩნდებათ მენჯის ძვლის მიდამოში არასასიამოვნო შეგრძნებები, რაც ქმნის დისკომფორტს. ამის დაძლევაში დგეხმარებათ მასაჟი, ვარჯიში, აუზი. აგრეთვე ორსულებს აწუხებთ მსუბუქი ტკივილები მუცლის ქვემოთ, საშვილოსნო იზრდება, იწელება და ეს იწვევს ტკივილს. ამ შემთხვევაში ურიგო არ იქნება თბილი აბაზანა და შემდეგი პოზის მიიღება - დადექით მუხლებზე გადაიხარეთ წინ და დაეყრდნით ხელებს 5-10 წუთის განმავლობაში.

ფეხებში გაჩნდა სიმძიმის შეგრძნება?

შესანიშნავია, თუ თქვენ ზრუნავდით თქვენ სისხლძარღვებზე ორსულობამდე, მაგრამ ყოველდღიური პრობლემები ხელს გვიშლიან ჯანმრთელობის სათანადო ზრუნვაზე.

ფეხებში გაჩნდა სიმძიმის შეგრძნება? ღამე გვაწუხებს კრუნჩხვა ფეხებში, რომელიც არ არის დაკავშირებული კალცის მომატებულ მიღებასთან? ეს დაავადების პირველი სიმპტომებია და მალე ექიმი დაგისვამთ დიაგნოზს ‘’ვენების ვარიკოზული გაგანიერება’’. რა ვქნათ? ექიმის რეკომენდაციასთან პარალელურად უნდა მივიღოთ პროფილაქტიკური ზომები.

შეიძლება გამოვიყენოთ ძველი რეცეპტები, რომლებიც ხელს შეუწყობენ ძირითად მკურნალობას.

• ყოველდღიურად უნდა გააკეთოთ კონტრასტული აბაზანები. დადგით 2 ჭურჭელი წყლით - ერთი ცივი, მეორე კი ცხელი. რიგ-რიგობით დაისხით ფეხებზე წყალი, რაც უფრო იქნება წყლის ტემპერატურის კონტრასტი, უკეთესი იქნება ძარღვების რეაქციისთვის (თუ მაღალი წნევები არ გვაწუხებს!!!).

• მასაჟი. მოძრაობებით, რომლებიც გვახსენებენ წინდის (კოლგოტის) ჩაცმას, ქვემოდან ზევით ინტენსიურად ვიკეთებთ მასაჟს ფეხის წვივიდან თეძოებამდე. ამ ხერხით ჩვენ ვეხმარებით ვენებს სისხლის გადაადგილებაში გულისაკენ.

• ძალიან კარგი იქნება, თუ მასაჟის დროს გამოიყენებთ ეთერზეთებს. მაგალითად, კვიპაროსის და მირტის ეთერზეთები არიან ლიდერები ვენების ვარიკოზული გაგანიერების მკურნალობაში. მასაჟისთვის იყენებენ მირტის და კვიპაროსის ეთერზეთის 3 წვეთი 1 სუფრის კოვზ ნუშის ზეთზე. ეთერზეთები აგრეთვე შეიძლება დავუმატოთ კრემებში მასაჟისთვის.

• ვარჯიში. მჯდომიარე მდგომარეობაში რიგრიგობით გაასწორეთ ჯერ ტერფის წინა ნაწილი, შემდეგ ფეხის ქუსლი. ეს ვარჯიში დაგეხმარებათ ფეხების გამაგრებაში და სისხლმიმოქცევის გაუმჯობესებაში.

ორსულობის დროს ბუასილი და კუჭის შეკრულობა

ორსულობის დროს ბუასილი და კუჭის შეკრულობა
ორსულობისას ბუასილი და კუჭის შეკრულობა (ყაბზობა) ხშირი მოვლენაა. რა ხდება ამ დროს? მომატებული საშვილოსნო აწვება მუცლის ღრუს ორგანოებს და ხელს უშლის კუჭის მოქმედებას. პროგესტერონი – არის ჰორმონი, რომელიც ჭარბად გამოიყოფა მომავალი დედის ორგანიზმში, ადუნებს კუჭნაწლავის გლუვ კუნთებს, ანელებს პერისტალტიკას და გემოროიდალური ვენების კედლები იწელებიან და თხელდებიან.
პროფილაქტიკის მიზნით:
• იმოძრავეთ! ყოველდღიურად იარეთ ფეხით 20-30 წუთის განმავლობაში, აკეთეთ სპეციალური ვარჯიშები და შეძლებისდაგვარად იარეთ აუზში.
• იდეაში კუჭ-ნაწლავი უნდა თავისუფლდებოდეს ყოველ დღეს დილის საუზმის შემდეგ.
გაითვალისწინეთ: თეთრი პური, საკონდიტრო ნაწარმი, დამარილებული თევზი, ძეხვი, ყველი, კაკაო, ჩაი, ყავა ხელს უწყობენ კუჭის შეკრულობას.
მზა საჭმელში შეურიეთ 5-6 აბი მიკროკრისტალური ცელულოზა.
• მოამზადეთ ნარევი: ადუღებული წყალი გადაავლეთ ქიშმიშს, ვაშლის, ფინიკის ჩირს, კურაგას და აურიეთ. მიიღეთ “წამალი” 0,5 ჩაის კოვზი დილით უზმოზე, სადილამდე 30 წთ. ადრე და ძილის წინ. შეინახეთ მაცივარში.
• დალიეთ ბევრი სითხე. ყოველდღიურად დალიეთ არანაკლები 8 ჭიქა - კომპოტი, წვენი, მაწონი, მინერალური ან ონკანის წყალი. კარგად მოქმედებს ასევე უზმოზე ჭიქა წყალი (თუ მაღალი წნევები არ გაწუხებთ!!!)

ვარჯიშები ორსულობის 16 კვირამდე

ვარჯიშები ორსულობის 16 კვირამდე

1. სიარული 1-2 წუთის განმავლობაში. გააკეთეთ დოინჯი, თავი დაიკავეთ სწორად. სუნთქვა თანაბარი, ღრმა, რითმული.
2. დადექით სწორად. გაშალეთ ხელები და ერთდროულად გაწიეთ ფეხი უკან თითის წვერზე, გასწორდით, ჩაისუნთქეთ. გაიმეორეთ 3-ჯერ.
3. დადექით, ხელები გაშალეთ. მიატრიალეთ სხეული მარჯვნივ, მარცხენა ხელით შეეხეთ მარჯვენა ფეხს – ჩაისუნთქეთ. ვარჯიშის დროს მუხლები არ მოკეცოთ. გაიმეორეთ ვარჯიში 3-4-ჯერ ჯერ მარცხენა ხელით, შემდეგ მარჯვენათი.
4. დადექით სწორად, გააკეთეთ დოინჯი. ხელები აწიეთ მაღლა, გადაიხარეთ წინ და თან ჩაისუნთქეთ, ამოისუნთქეთ.
5. დადექით სწორად, გააკეთეთ დოინჯი. ატრიალეთ სხეული მარჯვნივდა მარცხნივ მხოლოდ მხრები, თეძოები არ ამოძრაოთ. სუნთქვა თავისუფალი. გაიმეორეთ 3-4-ჯერ.
6. დადექით სწორად, გააკეთეთ დოინჯი. იდაყვები გაწიეთ უკან, ოდნავ გადაიხარეთ უკან – ჩაისუნთქეთ, გააკეთეთ ბუქნი, ხელები წინ – ამოისუნთქეთ. გაიმეორეთ 3-4-ჯერ.
7. დადექით სწორად, გააკეთეთ დოინჯი. აიწიეთ თითის წვერებზე, ხელები გაშალეთ – ჩაისუნთქეთ, ხელები წინ – ამოისუნთქეთ. გაიმეორეთ 3-4-ჯერ.
8. დადექით სწორად. რიგრიგობით აიწიეთ სწორი ფეხები, ერთდროულად გაშალეთ ხელები, ჩაისუნთქეთ. გაიმეორეთ ფეხით. 3-4-ჯერ.
9. დაჯექით იატაკზე, ფეხები მოკეცეთ მუხლებში, ხელები უკნიდან მიიბჯინეთ იატაკს. შეატყუპეთ ფეხები, შეკუმშეთ შორისის მიდამოს და ანუსის კუნთები – ჩაისუნთქეთ. მოდუნდით – ამოისუნთქეთ. გაიმეორეთ 4-6-ჯერ.
10. დაწექით ზურგზე, ხელები გაშალეთ. მოატრიალეთ სხეული მარჯვნივ, ხელის გულებით შეეხეთ ერთმანეთს – ჩაისუნთქეთ. იგივე გაიმეორეთ მარცხვნივ. 3-4-ჯერ.
11. დაწექით ზურგზე. მუხლები და ხელის იდაყვები მოკეცეთ. აიწიეთ თეძოები – ჩაისუნთქეთ. გაიმეორეთ 4-6-ჯერ.
12. დადექით “კატას” პოზაში. აწიეთ მარჯვენა ფეხი და მარცხენა ხელი მაღლა – ჩაისუნთქეთ. გაიმეორეთ 3-4-ჯერ.

ვარჯიშები ორსულობის 17-31 კვირაზე

ვარჯიშები ორსულობის 17-31 კვირაზე

1. სიარული ჩვეულებრივი ნაბიჯით 1-2 წუთის განმავლობაში. სუნთქვა თანაბარი.
2. დადექით სწორად. ხელები მიაბჯინეთ სკამს ან კედელს. დაატრიალეთ წრიულად თეძოები. სუნთქვა თავისუფალი. გაიმეორეთ 5-6-ჯერ.
3. დაწექით იატაკზე, ხელები გაშალეთ. მიბრუნდით გვერძდზე, ხელის გულები შეატყუპეთ – ჩაისუნთქეთ. გაიმეორეთ 2-3-ჯერ.
4. დაწექით ზურგზე, ფეხები მოკეცეთ მუხლებში, მარჯვენა ხელი დაადეთ გულმკერდს, მარცხენა კი მუცლის ქვემოთ. ღრმად ჩაისუნთქეთ მოცლით. გაიმეორეთ 4-ჯერ.
5. დაწექით ზურგზე. გააკეთეთ “ველოსიპედი”. სუნთქვა თავისუფალი. გაიმეორეთ 4-5-ჯერ.
6. დაწექით ზურგზე. გაშალეთ ხელები – ჩაისუნთქეთ, გადააჯვარედინეთ ხელები გულმკერდზე – ამოისუნთქეთ. გაიმეორეთ 4-5-ჯერ.
7. დაწექით მარჯვენა გვერდზე, მარჯვენა ხელი ამოიდეთ თავქვეშ. სწორი ფეხებით გააკეთეთ “მაკრატელი”. გაიმეორეთ მეორე გვერდზე. 3-4-ჯერ.
8. დადექით სწორად. ეცადეთ შეატყუპოთ ბეჭები – ჩაისუნთქეთ. გაიმეორეთ 3-4-ჯერ.

რა მოვიმოქმედოთ თვითნებური აბორტის დროს

აქ შემთხვევით არ არის გაერთიანებული ორი თემა – “გაყინული ორსულობა” მედიკოსების ენაზე ჟღერს როგორც არაშემდგარი ორსულობა, თვითნებური აბორტი. საერთოდ, თვითნებური აბორტების კლასიფიკაცია შემდეგნაირია: დაწყებული აბორტი, არასრულყოფილი აბორტი, სრულყოფილი აბორტი, არაშემდგარი აბორტი და სხვა. ანუ ყველასთვის ცნობილი “გაყინული ორსულობა” არის ემბრიონის დაღუპვა, რომელიც რაღაც მიზეზების გამო ვერ გამოიდევნება საშვილოსნოს მეშვეობით და რჩება საშვილოსნოში 4-5 კვირა, იშვიათად 8 კვირა ემბრიონის დაღუპვის შემდეგ.
რადგან თვითნებური აბორტი და გაყინული ორსულობა პრაქტიკულად ერთი და იგივეა, ამ მდგომარეობების მიზეზებიც იქნებიან იდენტურები. მიზეზებზეა კი დამოკიდებულია, როგორც პროფილაქტიკა, ასევე მკურნალობაც.

ორსული ქალების 99% რკინასაც სვავენ

ორგანიზმში რკინის დონის უმნიშვნელო დაქვეითებაც კი აუარესებს ქალების გონებრივ და შემეცნებით შესაძლებლობებს. რკინის პრეპარატებით მკურნალობის ფონზე ხდება ამ შესაძლებლობების აღდგენა (Reuters Health).
რკინის არსებობა აუცილებელია ორგანიზმის უჯრედებამდე ჟანგბადის მისაწოდებლად. როგორც დღემდე იყო ცნობილი, რკინის ნაკლებობა ბავშვებში იწვევს გონებრივი განვითარების შეფერხებას. აქამდე არ არსებობდა ინფორმაცია მსგავსი ეფექტის არსებობის შესახებ შვილოსნობის ასაკის მქონე ქალებში, რომლებიც ასევე იმყოფებიან რისკის ჯგუფში. მეცნიერებმა პენსილვანიის უნივერსიტეტიდან (აშშ) დაადგინეს, რომ ქალები რკინის ზომიერი დეფიციტის პირობებში (როცა რკინის დონე იმდენად არ არის დაქვეითებული, რომ მოხდეს ანემიის დიაგნოსტირება) რკინის ნორმალური დონის მქონე ქალებთან შედარებით, უფრო უარეს შედეგებს აჩვენებდნენ მეხსიერების, ყურადღების და შესწავლის უნარის შესაფასებლად მოწოდებული ტესტების შესრულებისას. ყველაზე ცუდი მონაცემები ჰქონდათ ანემიის მქონე ქალებს.
რკინის დეფიციტის მქონე ქალებში რკინის პრეპარატებით ჩატარებული ოთხთვიანი მკურნალობის შემდეგ მნიშვნელოვნად გაიზარდა მათი გონებრივი შესაძლებლობები. ტესტის შედეგები გაუმჯობესდა 5-7-ჯერ იმ ქალებში, რომელთა სისხლშიც ყველაზე მეტად მოიმატა ფერიტინის (ცილა, რომელსაც გადააქვს რკინა) დონემ.
კვლევის ავტორების Laura E. Murray-Kolb და John L. Beard თქმით, ”კვლევის მნიშვნელობა იმაშია, რომ იგი გვიჩვენებს, როგორ აუმჯობესებს რკინის დონის ნორმალიზაცია ინტელექტუალურ ფუნქციებს იმ ქალებში, რომლებსაც ჯანმრთელობის მხრივ სხვა დარღვევები არ აღენიშნებათ”. მათი სიტყვებით, ამ სამუშაოს შედეგები უარყოფს არსებულ შეხედულებას, რომ რკინის დეფიციტი მოქმედებს მხოლოდ განვითარებად ტვინზე და არ ვლინდება ანემიის განვითარებამდე.
კვლევაში მონაწილეობდა 18-35 წლის ასაკის 113 ქალი. კვლევის დასაწყისში მხოლოდ 42 მათგანს ჰქონდა სისხლში რკინის ნორმალური დონე, დანარჩენს გამოუვლინდა ან რკინის დეფიციტი ან გამოხატული ანემია. ქალების ერთი ჯგუფი 16 კვირის განმავლობაში იღებდა რკინის პრეპარატს, მეორე კი პლაცებოს.
კვლევის ავტორები თვლიან, რომ საჭიროა უფრო აქტიურად გამოვავლინოთ ადამიანები, რომლებსაც აღენიშნებათ ინტელექტუალური შესაძლებლობების დაქვეითება რკინის დეფიციტის ფონზე.
რკინის დეფიციტი ხშირად გვხვდება ორსულებში და ჭარბი მენსტრუაციის მქონე ქალებში, რომლებიც საკვების გზით ან საკვები დანამატებით რკინას არასაკმარისი რაოდენობით იღებენ.
რეკომენდაციების თანახმად, 19-დან 50 წლამდე ქალები დღეში 18მგ რკინას უნდა იღებდნენ, ორსულობის დროს რკინის რაოდენობა 27 მგ-მდე უნდა გაიზარდოს. რკინის წყაროს წარმოადგენს ხორცი, ქათამი, ისპანახი, გამდიდრებული მარცვლეული.

ორსულობის 280 დღე

ორსულობა - ქალის ორგანიზმში მიმდინარე ფიზიოლოგიური პროცესი ხშირ შემთხვევაში გრძელდება 40 კვირა ანუ 280 დღე (ითვლება ბოლო მენსტრუაციის პირველი დღიდან).

ორსული ქალის ჯანმრთელობა და ცხოვრების წესი განსაკუთრებით ორსულობის პირველ კვირებში დიდ გავლენას ახდენს მომავალ ბავშვზე. მომავალი დედის ნებისმიერი ავადმყოფობა (გრიპი, ანგინა, ტუბერკულოზი, რევმატიზმი, შაქრიანი დიაბეტი, თირკმელების, ღვიძლის დაავადებები), არასწორი კვება, ზოგიერთი წამლის მიღება, სიგარეტის წევა, ალკოჰოლური სასმელების მიღება საზიანოა ნაყოფის განვითარებისა და ჯანმრთელობისათვის.
ყველა მომავალ დედას და ასევე იმ ქალებს, ვინც ახლო მომავალში გეგმავენ ბავშვის გაჩენას, ექიმები ურჩევენ, აუცილებლად მიიღონ ფოლიუმის მჟავა და აი, რატომ:

აბორტი არის თვითნებითი და ხელოვნური

აბორტი (ორსულობის მოშლა, ანუ მუცლის მოშლა) არის ორსულობის შეწყვეტა 28 კვირამდე (7 თვემდე). ამ პერიოდში ნაყოფი სიცოცხლისუუნაროა.

აბორტი არის თვითნებითი და ხელოვნური.

თვითნებითი აბორტი ხდება გარეგანი ჩარევის გარეშე. თვითნებითი აბორტი ჯანმრთელ ქალებში ძალიან იშვიათია, იგი შეიძლება გამოიწვიოს ორსულობის დროს განვითარებულმა ისეთმა ინფექციურმა დაავადებებმა, როგორიც არის გრიპი, მუცლის ტიფი, მალარია, რევმატიზმი, ტუბერკულოზი, ფილტვების ანთება. ამ შემთხვევაში ინფექციურ დაავადებად მიკრობების მიერ გამოყოფილი შხამები (ტოქსინები) იწვევს ნაყოფის სიკვდილს, რის შედეგად მკვდარი ნაყოფი გამოძევდება. გარადა ამისა, ნაყოფის დაღუპვა შეიძლება განაპირობოს ამ დაავადებათა დროს განვითარებულმა მაღალმა ტემპერატურამ, რომელიც იწვევს აგრეთვე საშვილოსნის შეკუმშვებს, რის შედეგადაც შეიძლება გამოძევდეს ცოცხალი ნაყოფიც.

თვითნებითი აბორტი შეიძლება გმოიწვიოს ლისტერიოზმა და ტოქსოპლაზმოზმა. ამ დაავადებებით ქალი შეიძლება დასნეულდეს კატის, ძაღლის, აგრეთვე შინაური რქოსანი ცხოველებისაგან (ხორცი და რძე). ამ დროს ინფექცია გადადის ნაყოფის სისხლში, ვითარდება ფილტვების ანთება და ცვლილებები ტვინში. ნაყოფი იღუპება და გამოძევდება გარეთ. ზოგჯერ ლისტერიოზი და ტოქსოპლაზმოზი ქალებში ფარულად მიმდინარეობს, ამიტომ ქალთა კონსულტაციაში თვითნებითი აბორტის პროფილაქტიკის მიზნით ქალი უნდა გამოიკვლიონ ლისტერიოზსა და ტოქსოპლაზმოზზე.

თვითნებითი აბორტი შეიძლება გამოიწვიოს ფიზიკურმა და ფსიქიკურმა ტრამვამ. ფიზიკური ტრამვაა დაცემა, დაბეჟვა, ხსეულის ხანგრძლივად რყევა, სიმძიმის აწევა და გადატანა. ორსული ქალი უნდა ერიდოს ტროლეიბუსსა და ავტობუსში უკან ჯდომას ან დგომას, ველოსიპედით სიარულს, იატაკის მოწმენდას. არ შეიძლება ორსული ქალის ცივ წყალში ბანაობა. ორსულობის მოშლა შეიძლება გამოიწვიოს მძიმე განცდებმა, უეცარმა შეშინებამ, ხანგრძლივმა უსიამოვნო ემოციებმა. ფიზიკური და ფსიქიკური ტრამვა განსაკუთრებით მაშინ იწვევს მუცლის მოშლას, თუ არსებობს თვითნებითი აბორტის განმაპირობებელი ფაქტორები: სასქესო ორგანოების ადრე გადატანილი ანთებითი დაავადებანი, შინაგანი სასქესო ორგანოების განუვითარებლობა, ორსულთა ტოქსიკოზი და სხვა.

1-10 11-20 ... 41-50 51-60 61-70 71-80 81-90 91-100 101-104